Franz Josef Degenhardt

Franz Josef Degenhardt
	; Irudi gehiago
Bizitza
Jaiotza	Schwelm, 1931ko abenduaren 3a
Herrialdea	Alemania
Lehen hizkuntza	alemana
Heriotza	Quickborn, 2011ko azaroaren 14a (79 urte)
Hezkuntza
Heziketa	Saarland University (en)
Hizkuntzak	alemana
Jarduerak
Jarduerak	musikaria, idazlea, abokatua, poeta, legelari-poeta, kantugilea, Liedermacher (en) , gitarra-jotzailea eta estudioko musikaria
Kidetza	Alemaniako Errepublika Demokratikoko Artearen Akademia; Berlingo Arteen Akademia
Genero artistikoa	herri-musika
Sinesmenak eta ideologia
Alderdi politikoa	Alemaniako Alderdi Sozialdemokrata; German Communist Party (en)
	franz-josef-degenhardt.de

Franz Josef Degenhardt (Schwelm, Westfalia, Alemania, 1931ko abenduaren 3a - Quickborn, Schleswig-Holstein, Alemania, 2011ko azaroaren 14a) alemaniar idazlea eta musikagilea izan zen.

Biografia

Familia katoliko erradikal eta faxismoaren kontrako batean hazi eta hezi zen. 1966an zuzenbide-ikasketak egin zituen eta Legebiltzarrez kanpoko oposizioarekin bat egin zuen legelari gisa. 1971. urtea arte Alemaniako Alderdi Sozialistako kide izan zen, eta 1978an Alderdi komunistako kide egin zen. Gero Quickbornera joan zen bizitzera, Hanburgotik gertu, literaturan buru-belarri murgildurik. 1960 eta 1970 ondoko urteetako gertakari politikoek eta Vietnamgo gerraren aurkako mugimenduek sakon hunkitu zuten.

François Villon, Bertolt Brecht, Frank Wedekind, Kurt Tucholsky eta Joachim Ringelnatz idazleen tradizioan kokatzen da, gizartearen aurkako kritika gogorrengatik, gutxiengoen legelari gisa aritzeagatik, eta etorkizun sozialista baten aldeko lan nekaezinagatik.

Lehen diskoen bidez, burgesiaren aurkako balada abeslari gisa ezagutarazi zuen bere burua. Geroagoko lanek tonu gogorragoa hartu zuten: Im Jahr der Schweine (1969, "Zerrien urtean"), Mutter Mathilde (1972, "Ama Mathilde"). 1986an eta 1988an Hego-mendebaldeko Irratiko abeslari onenaren saria jaso zuen.

Eleberrigile gisa, 1970 ondoko urteetan ezagutarazi zuen bere burua. Obra gehienetan faxismoaren aurkako erresistentzia eta gerra ondoko alemaniar demokraziaren patua ditu hizpide: Zündschnüre (1973, "Metxak"), Brandstellen (1975, "Su-guneak"), Die Mißhandlung oder Der freihändige Gang über das Geländer der S-Bahn-Brücke (1979, "Gaizki tratatzea edo tren azkarraren zubiko barandako igarotze librea"), Der Liedermacher (1982, "Kantugilea") eta Die Abholzung (1985, "Mozketa").

Lana

Diskografia

1963: Rumpelstilzchen
1965: Spiel nicht mit den Schmuddelkindern
1966: Väterchen Franz
1968: Wenn der Senator erzählt
1968: Live 68
1969: Im Jahr der Schweine
1971: Wallfahrt zum Big Zeppelin
1972: Mutter Mathilde
1973: Kommt an den Tisch unter Pflaumenbäumen
1975: Mit aufrechtem Gang
1977: Wildledermantelmann
1978: Liederbuch
1980: Der Wind hat sich gedreht im Lande
1982: Du bist anders als die anderen
1983: Lullaby zwischen den Kriegen
1985: Vorsicht Gorilla!
1986: Junge Paare auf Bänken
1987: Da müssen wir durch
1987: Diesmal werd' ich nicht mit ihnen zieh'n - Friedenslieder von und mit Franz Josef Degenhardt
1988: Jahreszeiten
1989: Aus diesem Land sind meine Lieder
1990: Wer jetzt nicht tanzt
1992: Und am Ende wieder leben
1993: Nocturne
1994: Aus dem Tiefland
1996: Weiter im Text
1998: Sie kommen alle wieder – oder?
2000: Cafe nach dem Fall
2002: Quantensprung
2006: Dämmerung
2008: Dreizehnbogen
2011: Gehen unsere Träume durch mein Lied: Ausgewählte Lieder

Eleberriak

1973: Zündschnüre
1974: Brandstellen.
1976: Petroleum und Robbenöl oder wie Mayak der Eskimo kam und mein verrückter Vater wieder gesund wurde.
1979: Die Mißhandlung oder der freihändige Gang über das Geländer der S-Bahn-Brücke.
1982: Der Liedermacher.
1985: Die Abholzung.
1991: August Heinrich Hoffmann, genannt von Fallersleben.
1998: Für ewig und drei Tage.
1999: Petroleum und Robbenöl.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q77745
Multimedia: Franz Josef Degenhardt / Q77745

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.