Frantzisko Jabier Landaburu

Frantzisko Jabier Landaburu Fernandez de Betoño batzuetan Xabier Landaburu bezala ezagutua (Gasteiz, 1907ko irailaren 5a - Paris, 1963ko maiatzaren 6a) arabar politikaria izan zen. EAJ alderdiko eta Eusko Ikaskuntza elkarteko kidea zen. 1933an diputatu hautatu zuten Araban, EAJ alderdiaren eskutik. 1936. urteko militarren matxinadan bi aldiz atxilo hartu zuten Gasteizen. Hamahiru hilabetez egon zen ezkutuan Gasteizko Floridako familiaren pisuko ganbaran.

Frantzisko Jabier Landaburu
2. Eusko Jaurlaritzako lehendakariordea 1960ko martxoaren 22a - 1963ko maiatzaren 6a ← Jesus Maria Leizaola - Joseba Rezola → Espainiako Errepublikako Gorteetako diputatua 1933ko abenduaren 7a - 1936ko urtarrilaren 7a Barrutia: Araba Hautetsia: 2nd legislature of the Second Spanish Republic (en) Espainiako Diputatuen Kongresuko diputatua
Bizitza
Jaiotza	Gasteiz, 1907ko irailaren 5a
Herrialdea	Araba, Euskal Herria
Heriotza	Paris, 1963ko maiatzaren 6a (55 urte)
Hobiratze lekua	Santa Isabel hilerria
Familia
Seme-alabak	ikusi Eneko Landaburu Gorka Landaburu Ander Landaburu (en)
Hezkuntza
Hizkuntzak	gaztelania
Jarduerak
Jarduerak	politikaria eta abokatua
Lantokia(k)	Madril
Sinesmenak eta ideologia
Alderdi politikoa	Eusko Alderdi Jeltzalea

Hamahiru hilabete geroago, Lapurdira ihes egitea lortu zuen autoan, Sarara zeharki. EAJ alderdiak bere ordezkari izendatu zuen Parisen. Frantzia alemaniarren esku geratu zenean, Gestapotik ihes egin zuen, eta, 1944. urtean, Eusko Jaurlaritzak Parisen zuen egoitza bereganatu zuen. Agirre lehendakariaren zerbitzupean izan zen, hura hil zen arte. La causa del pueblo vasco obra eman zuen argitara 1956. urtean. 1960. urtean, Agirre lehendakaria hil zenean, Eusko Jaurlaritzako lehendakariorde izendatu zuten.

55 urte zituela eta José Antonio de Aguirre, forjador de la nación vasca obra idazten ari zela hil zen. Artikulu nagusiak: Emmanuel Mounier-Léon Blum, Patronos, cristianos y curas obreros!, ...Comunismo tampoco, ¿Debe tener el partido una doctrina social?, En torno al Pacto del Atlántico, La lección de la Commonweath, De Luxemburgo a Estrasburgo eta Marc Sangnier, el sembrador (Alderdi aldizkarian argitaratuak).

Landabururen omenez Eurobaskek (Europako Mugimenduaren Euskal Kontseiluak) ikerketa-sari batzuk eman ohi ditu. Eneko Landaburu politikaria eta Gorka Landaburu kazetaria bere semeak dira.