Frantz Fanon

Frantz Fanon (Fort-de-France, Martinika, 1925eko uztailaren 20a - Washington Hiria, Ameriketako Estatu Batuak, 1961eko abenduaren 6a) Antilletako psikiatra eta iraultzailea izan zen. Psikiatriaren alorrean, neurosi-mota batzuek gizarte-arazoek sortzen dituztela aldeztu zuen; soziologian, oso lan garrantzitsuak idatzi zituen kolonizaturiko herrien askapen-prozesuari buruz.

Frantz Fanon
Irudi gehiago
Bizitza
Jaiotza	Fort-de-France, 1925eko uztailaren 20a
Herrialdea	Frantzia
Lehen hizkuntza	frantsesa
Heriotza	Bethesda (Maryland), 1961eko abenduaren 6a (36 urte)
Hobiratze lekua	Aljeria
Heriotza modua	berezko heriotza: leuzemia
Familia
Ezkontidea(k)	Josie Fanon (en)
Seme-alabak	ikusi Mireille Fanon Mendès-France (en)
Hezkuntza
Heziketa	University of Lyon (en) Jean Moulin University - Lyon 3 (en)
Hizkuntzak	frantsesa
Jarduerak
Jarduerak	idazlea, filosofoa, psikiatra, saiakeragilea, soziologoa eta politikaria
Lan nabarmenak	ikusi The Wretched of the Earth (en) A Dying Colonialism (en) Black Skin, White Masks (en)
Influentziak	Jean-Paul Sartre eta Aimé Césaire
Mugimendua	decoloniality (en)
Zerbitzu militarra
Parte hartutako gatazkak	Aljeriako Independentzia Gerra Bigarren Mundu Gerra

Bigarren Mundu Gerran Frantziako gudarostean aritu ondoren, psikiatria-ikasketak egin zituen Lyonen, eta Aljeriara jo zuen 1953. urtean. Bertako Nazio Askapenerako Fronteko kide bihurtu ondoren, El Moudjahid egunkari klandestinoa sortu zuen Tunisian (1956), eta 1960an Ghanara bidali zuten Aljeria libreko enbaxadore. 1952. urtean Peau noire, masques blancs (1952, Larru beltza, mozorro zuriak) berak izandako bizipenak azaltzen dituen liburua eman zuen argitara.

Kolonialismoaren aurka eta iraultzaren alde idatzi zituen artikuluek eta liburuek berebiziko eragina izan zuten kolonietako munduan, baita Euskal Herrian ere: L´an V de la révolution algérienne (1959, Aljeriako iraultzaren V. urtea), Les Damnés de la Terre (1961, Lurreko kondenatuak), Pour la révolution africaine (1964, Afrikako iraultzaren alde).