Francisco Sánchez Cárdenas

Francisco Sánchez Cárdenas
Bizitza
Jaiotza	Panama, 1942ko urtarrilaren 28a (82 urte)
Jarduerak
Jarduerak	politikaria eta medikua

Francisco Sánchez Cárdenas (Panama, 1942ko urtarrilaren 28a) panamar politikaria eta sendagilea da.

Medikuntzan eta kirurgian lizentziatu zen. Gainera, neurokirurgiako ikasketak egin zituen Metropoliko Ospitalean eta mikrokirurgiakoak Bonneko Unibertsitatean. 1979tik aurrera, mediku espezialista gisa lan egin zuen Panamako Paitilla Klinikan, eta, 1983an, Gizarte Segurantzako Kutxako Zuzendariorde orokor izendatu zuten; 1984 arte egon zen kargu horretan. 1985etik 1986ra bitartean, neurokirurgiako zaintza intentsiboen buru izan zen, eta eremu kritikoetako koordinatzaile Metropoliko Ospitalean.

Politikari dagokionez, Alderdi Demokratiko Iraultzailearen sortzaile izan zen eta alderdi horretako Biltzar Nazionaleko kide izan zen. 1985ean, Panamako Osasun ministro izendatu zuten. Idatzi dituen lanen artean, aipagarria da Política y Salud (1984).

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q12257968

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.