Francisco Ibarra

Francisco Ibarra
Bizitza
Jaiotza	Eibar, 1539 (egutegi gregorianoa)
Herrialdea	Gipuzkoa, Euskal Herria
Heriotza	Mexiko, 1575eko ekainaren 3a (35/36 urte)
Hezkuntza
Hizkuntzak	gaztelania
Jarduerak
Jarduerak	esploratzailea eta militarra

Francisco Ibarra (Eibar, Gipuzkoa, 1539 – Pánuco, Sinaloa, 1575eko ekainaren 3a) gaur egungo Mexiko herrialdearen iparraldea arakatu zuen euskal militar eta esploratzaile bat izan zen. Herrialde hartako Durango estatuko hiriburua den Durango hiria sortu eta izen eman zion. Bere hitzetan, Eibartik hurbil dagoen Bizkaiko Durango udalerriaren omenez izena jarri omen zion:

«	..y fundé yo una villa que la puse por nombre la villa de Durango, como en mi patria... "...eta neuk Durango izena jarri nion herri bat sortu nuen, nire aberrian dagoen bezala..."	»
Francisco Ibarra.

Biografia

1539. urte aldera Eibarren (Gipuzkoa) jaio zen, Bere osaba zen Diego Ibarra konkistatzaileak Francisco arrunt gaztea zela gudaroste baten buru ipini eta gaur egun Durango estatua den lurraldea konkistatu eta esploratzera bidali zuen.

1562. urtean Ibarra gaur egun Zacatecas estatua denaren lehenbiziko esploratzaileetako bat izan zen, eskualde hura arakatu eta Guadiana haranean Durango izeneko udalerria sortu zuen. Handik lasterrera eskualde hark Bizkaia Berria izena jaso zuen. 1564an San Juan Bautista de Carapoa udalerria ere sortu zuen, gaur egungo Sinaloa estatuko El Fuerte delako hiria.

1575eko Mexikoko Sinaloa estatuko Pánuco udalerrian hil zen.

Datuak: Q1381348

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.