Francesc d'Assís Galí i Fabra

Francesc d'Assís Galí i Fabra (Bartzelona, 1880ko azaroaren 22a-Ibidem, 1965eko irailaren 23a)[1] Kataluniako margolari eta pedagogoa izan zen, Frankismoan erbesteratuta. Llotjako Eskolan, hau da, Bartzelonako Arte eta Lanbide Eskolan ikasi zuen eta Alexandre de Riquerren ikaslea izan zen.

Francesc d'Assís Galí i Fabra
Bizitza
JaiotzaBartzelona, 1880
Herrialdea Espainia
HeriotzaBartzelona, 1965eko irailaren 23a (84/85 urte)
Familia
Seme-alabak
Familia
Hezkuntza
Hizkuntzakgaztelania
katalana
Jarduerak
Jarduerakmargolaria eta pedagogoa

Biografia

Bere pintura modernista izan zen hasiera batean, sinbolismo eta errealismo faseetatik pasatuz, Noucentismeren etorrerarekin ideia berrietarantz idealismo apur batekin aldatu zen arte. Irakaskuntzan ere aritu zen, 1906an Bartzelonan eskola bat sortuz, didaktika tradizionalaren aurka. Ikasle izan zituen, besteak beste, Joan Miró eta Josep Llorens i Artigas. 1929ko Bartzelonako Erakusketa Unibertsaleko aholkulari artistiko izendatu zuten, eta haren kartela diseinatu zuen. Gerra Zibilean Errepublikako Arte Ederretako Zuzendari Nagusia izan zen. 1939an Londresera erbesteratu zen.[2]

Obra

Bere margolanetatik nabarmentzekoak dira Bartzelonako Correos eraikineko freskoak, 1928ko Palau Nacionalaren kupulakoak, 1929ko Nazioarteko erakusketaren karietara eginak, eta Bartzelonako Hiriko Etxeko Kixotearen Aretoko margoak, 1958an eginak.[3]

Iruditegia

Erreferentziak
  1. https://www.museunacional.cat/es/francesc-dassis-gali
  2. https://es-academic.com/dic.nsf/eswiki/496183
  3. https://www.tesisenred.net/handle/10803/116370#page=1

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.