François-Auguste Biard

François-Auguste Biard (Lyon, 1799ko ekainaren 29a-Samois-sur-Seine, 1882ko ekainaren 20a) margolari frantses ospetsua izan zen. Bidaia asko egin zuen eta bere margolanetan esperientzia horiek jaso zituen; horregatik, oso obra exotikoa egin zuen. Estiloaren ikuspuntutik erromantikoa zen.

François-Auguste Biard

Bizitza
JaiotzaLyon, 1799ko ekainaren 29a
Herrialdea Frantzia
HeriotzaFontainebleau, 1889ko ekainaren 20a (89 urte)
Familia
Ezkontidea(k)Léonie d'Aunet (en) Itzuli
Seme-alabak
Hezkuntza
HeziketaÉcole nationale supérieure des beaux-arts de Lyon (en) Itzuli
Hizkuntzakfrantsesa
Jarduerak
Jarduerakmargolaria
Lantokia(k)Lyon eta Paris
Lan nabarmenak
Jasotako sariak
Genero artistikoagenero-margolana
Musicbrainz: f9bb0648-2b06-4f03-a47f-37de69c2e28c Edit the value on Wikidata

Biografia

Lyongo Arte Ederren Eskolan ikasi zuen, besteak beste, Pierre Révoil eta Fleury Richardekin. Mundu osoan zehar bidaia asko egin zituen: Ekialdea, Laponia, Brasil. Bidaia horiek bere lanerako inspirazio iturri izan ziren. Ondorioz, bere obrak exostismoz beterik zeuden. Artistaren beste ezaugarria umorea zen; hori ikus daiteke "Lorategian" margolanean, adibidez.

1840ko uztailaren 23an, Parisen, Léonierekin ezkondu zen. Bikotean gauzak ez ziren ondo joan eta 1843tik 1850 arte, Léonie Victor Hugoren amorantea izan zen. 1845ko uztailaren 5ean, Hugo eta Léonie harrapatuak izan ziren hotel batean. Hugo libre gelditu zen baina emakumea Saint-Lazaren atxilotua gelditu zen. Bi hilabete ondoren, komentu batera eraman zuten. 1855an dibortziatu ziren.[1] Emakumea, Léonie d'Aunet (1820-1879), idazle eta bidaiari ezaguna izan zen.[2]

Biarden lan ezagunena Versaillesko jauregian ikus daitekeen Esklabotzaren Abolizioaren Aldarrikapena Frantziako kolonietan, 1848ko apirilaren 27an (1849) izan zen. Gai historiak eta exotikoak aparte, lan mitologikoak eta literaturan oinarritutakoak landu zituen.[3]

Estiloa

Haren lanen aurrean ez dago erabateko iritzi bat. Lan batzuk oso ezagunak izan ziren eta erakusketa ugari egin zituen, baina kritikari batzuek bere lanak oso esageratuak ikusten zituzten. Esan da baita ere bere margolaritza oso hotza dela. Batzutan azaltzen zuen umorea ere ez zen oso ondo ulertua izan.

Sariak
  • Lyongo Arte Ederren Eskola Nazionalaren sariak.
  • Urrezko domina (bigarren mailakoa) 1827an, Diseuse de bonne aventure margolanarekin.
  • Lehen mailako domina 1836an eta 1848an.
  • 1838ko ekainaren 9an, Le désert est piquant d’effet et d’une grande vérité locale margolanari esker, Ohorezko Legioa jaso zuen.

Iruditegia
  • Hartz polarrak borrokan (1839).
    Hartz polarrak borrokan (1839).
  • Esklabotzaren Abolizioaren Aldarrikapena Frantziako kolonietan, 1848ko apirilaren 27an (1849).
    Esklabotzaren Abolizioaren Aldarrikapena Frantziako kolonietan, 1848ko apirilaren 27an (1849).
  • Amazoniano indioak Eguzkia gurtzen (1860 inguru).
    Amazoniano indioak
    Eguzkia gurtzen (1860 inguru).
  • Magdalenako badian (1840).
    Magdalenako badian (1840).
  • Naufragoak.
    Naufragoak.
  • Itsasoaren gaitza Ingalaterrako korbeta batean (1857).
    Itsasoaren gaitza Ingalaterrako korbeta batean (1857).

Erreferentziak
  1. https://eclecticlight.co/2017/10/25/the-artist-as-explorer-francois-auguste-biard-1-spitzbergen/
  2. https://web.archive.org/web/20190525153926/https://astrolabe.msh.uca.fr/septembre-octobre-2008-itinerances-feminines/dossier/le-grand-tour-de-leonie-d-aunet
  3. https://web.archive.org/web/20190525152914/http://www.galeriearyjan.com/en/biard-francois-auguste.htm

Kanpo loturak
Wikimedia Commonsen badira fitxategi gehiago, gai hau dutenak: François-Auguste Biard Aldatu lotura Wikidatan
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.