Fort Hareko Unibertsitatea
Fort Hareko Unibertsitatea (ingelesa: University of Fort Hare, afrikaansa:Universiteit van Fort Hare) Hegoafrikako unibertsitate publiko bat da, Alice hirian dagoena. Bhisho eta East London aldean ere baditu egoitzak.
 | |
| Goiburua | 'In lumine tuo videbimus lumen ("Zure argian ikusiko dugu argia") |
|---|---|
| Ezarpena | 1916 |
| Mota | publikoa |
| Errektorea | Thembile Skweyiya |
| Errektoreordea | Sakhela Buhlungu |
| Kantzilerra | Dumisa Buhle Ntsebeza |
| Kantzilerordea | Mvuyo Tom |
| Ikasleak | 13 331 (2015) |
| Campusa | Alice, Bhisho, East London, Estern Cape |
| Kokapena | Alice Hegoafrika |
| Webgunea | |
Unibertsitate honek lan oso garrantzitsua bete zuen Afrikako biztanle beltzen goimailako irakaskuntzan 1916tik hasi eta 1959.ra arte. Ikuspuntu akademikotik begiratuta mendebaldeko estilokoa zen irakaskuntza eskaintzen zien Saharaz hegoaldeko Afrika osoko ikasleei. Handik igarotako ikasle askok Afrikako herrialde batzuen independentziaren aldeko zenbait mugimendutan parte hartu zuten, eta batzuk herrialde berrietako gobernuen kide izatera ere iritsi ziren. Ikaslerik ospetsuenetako batzuk, Nelson Mandela, Oliver Tambo, Govan Mbeki, edo Mangosuthu Buthelezi izan ziren, besteak beste.[1]
1959an, unibertsitateak apartheidaren eragina jasan zuen, baina, gaur egun apartheid osteko Hegoafrikako hezkuntza sisteman integratuta dago. Haren campus nagusia Alice (Dikeni, xhosa hizkuntzan) hirian dago, Tyhume ibaiaren ondoan dago.