Forfar

Angus eskualdearen edialdean kokaturik dago, Strathmore haranean (Eskoziako gaeleraz: An Srath Mòr), Grampianak eta Sidlaw mendien artean. Glasgow eta Aberdeen elkartzen dituen trenbidea pasatzen da bertatik.

Buruzagi piktoak Forfarreko aintziraren ertzean zegoen gaztelu batean elkartu ziren erromatarrak beren lurretatik botatzeko hauek 50.000-60.000 soldadu biltzen zituen kanpalekua gaur egungo Forfarretik bost kilometro iparraldera ezarri zutenean. K.o. I eta IV mendeetan ugariak izan ziren erromatarren eta piktoen arteko borrokak inguru hauetan.

XIII mendean lehendabiziko Eskoziako independentzia gerran ingelesek Forfarreko gaztelua hartu zuten baina Philipek, Plataneko Foresterrak, Roberto I.a Eskoziakoarentzako berreskuratu zuen, hainbat lagunekin hormetatik igo eta soldadu ingelesak sorpresaz hartu eta denak hil ondoren.

XVIII mendean ehungintzari loturiko industria ezarri zen Forfarren. William and John Don & Co konpainia ezarri zen bertan. Hasieran Forfarren egindako lihoa ekoizten zuen baina Dundeera zabaldu zen 1865ean. XX mendean jarduera honek behea jo zuen eta langabezia tasa handiak agertu ziren.

Gaur egun jarduera ekonomiko nagusiak nekazaritza eta turismoa dira.

• Lowson Memorial eliza
• Glamiseko gaztelua (herritik 8 kilometrotara)
• Meffan museoa
• Anguseko Folk Museoa
• Forfarreko aintzira

• 
  Lowson Memorial eliza.
• 
  Glamiseko gaztelua.
• 
  Anguseko Folk Museoa.
• 
  Restenneth abadiaren hondarrak.
• 
  Forfar Reid Hall.
• 
  Dunnichen harria (Meffan museoan).
• 
  Forfarreko aintzira.
• 
  Murton Natura Erreserba.

• Bon Scott (1946-1980), AC/DC taldeko abeslaria