Ford Mustang

Ford Motor Companyk Ford Mustang auto modeloa ekoizten du. Hasiera batean, Ipar Amerikako Ford Falconean oinarritu zen. 1964 urtean aurkeztu zuten lehen modeloa eta Model A merkaturatu zutenetik, modelo arrakastatsuena izan da.

Ford Mustang
pony car (en) Itzuli
Fabrikazioa
FabrikatzaileaFord Motor Company
MarkaFord
DiseinatzaileaJohn Najjar (en) Itzuli, Philip T. Clark (en) Itzuli eta Joe Oros (en) Itzuli
Ekoizpen-lekuaDearborn (Michigan)
Historia
Sorrera1964

Mustang-ak auto klase berri baten aitzindari izan zen, hau da, kapota luze eta atzealde motza duten coupé deportiboak. Era berean, auto ekoizle lehiakideentzat inspirazio-iturri izan zen, besteak beste, General Motorsen Chevrolet Camaro, Chryslerren Plymouth Barracuda edo Toyota Celicarentzat.

Lehen belaunaldia (1964-1973)

Proiektuko arduradunek gizon zein emakumeentzat erakargarri izan behar zuen autoa nahi zuten: Ferrari eta Maserati antzeko aurrealdea eta airea sartzeko zuloak alboetan, atzeko balaztak hozteko. Oro har, auto deportibo itxura izan behar zuen eta nolabait, europar diseinuarekin harremanetan egon.

Konpainiak gomendatutako salmenta-prezioa izan ahal izateko, Ford-ek jadanik ekoizten zituen osagaietan oinarritu ziren. Barnealdea, txasis eta suspentsio osagaiak garaiko Ford Falcon eta Fairlaneean oinarritu ziren. Lehen urterako hasierako aurreikuspenak 100.000 unitate baino gutxiagokoak izan ziren. Kopuru hau, ordea, 3 hilabetetan gainditu zen eta lehen urtearen bueltan, 418.000 unitate saldu ziren. 18 hilabete igaro ondoren, milioi bat unitate ekoiztu ziren. James Bonden Goldfinger filmean agertu zen 1964 urtean bertan.

Bigarren belaunaldia (1974–1978)

Lee Iacocca, Mustang-en sustatzaileetako bat, Ford Motor Companyren presidente bilakatu zen 1970ean, eta Mustang modelo eraberritu bat sortzea agindu zuen, kontsumoarekiko eraginkorrago izan behar zuena.

Modelo berria, Mustang II izendatua, 1973ko petrolioaren krisia baino bi hilabete lehenago aurkeztu zen, baina dimentsio mugatua zela eta, AEBetara inportaturiko beste modeloekin lehiatzeko gai izan zen (batik bat, Japonia eta Europakoekin). Bost urtetako salmenta kopurua, halere, 385.993 unitatekoa izan zen, datu apala berau, baldin eta Mustang originalak lortutako errekorrarekin alderatzen badugu: 12 hilabetetan 418.812 unitate, alegia.

Hirugarren belaunaldia (1979–1993)

1980ko hamarkadarekin batera, diseinu aldaketa etorri zen, esanguratsuena aurrealdeko faroen forma laukiduna izan zelarik. Salmenten beherakada eta petrolio krisiaren ondorioz, motore eraginkorragoak behar ziren kontsumoari zegokionez. Mustang berria Mazda MX-6aren bariazioa izateko jaio zen, baina Mustang zaleak aurre-trakzioaren aurka azaldu ziren. MX-6aren bariazioa 1989ko Ford Probe bilakatu zen.

Laugarren belaunaldia (1994–2004)

Zaldiaren logoa berreskuratu zen aurrealdeko faro arteko hutsunerako eta 1990eko hamarkadako modarekin bat egin zuen diseinuak, ertzek itxura borobilduagoa lortuz.

Bosgarren belaunaldia (2005etik aurrera)

2004ko North American International Auto Show delakoan, Ford-ek eraberritutako Mustang modeloa aurkeztu zuen. Ford-eko agintari baten hitzetan, berorren diseinuak “retro-futurismoa”n zuen oinarri. 1960ko lehen bertsioa nolabait gogorarazten bazuen ere, itxura sendoa bereganatu zuen eta segurtasun nahiz erosotasun mailak nabariki hobera egin zuen, antzinako modeloekin alderatuz.

Zinema

Bullitt (1968) film ospetsuan, Steve McQueen aktoreak gidatzen duen auto modeloa da.

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.