Flaco Jiménez

Leonardo "Flaco" Jiménez (San Antonio, Texas, 1939ko martxoaren 11) estatubatuar kantari, musikagile eta soinu-jotzailea da. Estatu Batuen hegoaldeko espainiar tradizioa, Erdialdeko Europakoa eta anglosaxoia nahasten dituen tex-mex musikaren interprete ezaguna da. 1986an, mexikar-amerikar abesti onenaren Grammya irabazi zuen.

Flaco Jiménez

Bizitza
JaiotzaSan Antonio, 1939ko martxoaren 11 (85 urte)
Herrialdea Ameriketako Estatu Batuak
Familia
AitaSantiago Jiménez Sr.
Jarduerak
Jarduerakmusikaria, abeslaria, kantugilea eta estudioko musikaria
Jasotako sariak
Genero artistikoacountrya
rock
conjunto (en) Itzuli
tejano music (en) Itzuli
regional Mexican (en) Itzuli
Musika instrumentuaakordeoia
ahotsa
DiskoetxeaRounder Records (en) Itzuli
thetexastornados.com
IMDB: nm0422936 Allmovie: p35636
MySpace: flacojimenezmusic Last fm: Flaco+Jimenez Musicbrainz: f3387fe6-63ff-4dcb-95e6-cf14fc13f60b Songkick: 52711 Discogs: 513182 Allmusic: mn0000179335 Edit the value on Wikidata

Bizitza
Flaco Jiménez eta Max Baca, 2013

Bere aitona Patricio Jiménezek asmatutako estiloari jarraitzen dio Flacoren musikak. Erdialdeko Europako polka Texaseko gustura egokitzen saiatu zen Patricio Jiménez. Hasieran Texas Chicano esan zitzaion estilo horri. Flacok urrutirago eraman zuen tex-mex estiloa, eta edozein musika-modurekin nahastu zuen. Peter Rowanekin disko pare bat grabatu zituen, eta 1976an Ry Cooderrek bere taldean sartu zuen. Chicken skin music eta Cooder Show Time egin zituzten elkarrekin zuzenean, eta bien elkarlanak urte asko iraun zuen.

Hamarkada horretan dozena bat disko grabatu zituen, nahiko tradizionalak, errepertorioaren oinarria rancherak zirela. Viva Según izan zen interesgarrienetakoa. 1986an etorri zitzaion ospea, urteko lan mexikar-amerikar onenaren Grammya jaso zuen Ay te dejo en San Antonio diskoarekin. Horren ondoren oso disko onak egin zituen; esate baterako, Flaco´s Amigos, Ry Cooderren eta Peter Rowanen parte-hartzearekin. 1990ean Suitzako Montreuxeko Jazz Jaialdian izan zen, eta 1992an WOMADen (World of Music, Arts and Dance).

1990ean agertu zen, bestalde, Texas Tornados taldearekin egin zuen izen bereko lehen diskoa. Bertan entzule anglosaxoiei zuzenduriko tex-mex musika egin zuen, ingelesezko testuak erabiliz, rock-and-roll eta countryaren ukituekin. Disko horrekin beste Grammy bat irabazi zuen. 1992an Partners kaleratu zuen, Stephen Stills, Dwight Yoakam, Ry Cooder, Los Lobos, Emmylou Harris, John Hiatt eta Linda Ronstadten parte-hartzearekin. Rolling Stonesekin, La Guardiarekin, Oskorrirekin eta Vargas Blues Bandekin ere aritu da elkarlanean.

Diskografia

Estudioko albumak
  • 1975 : El Rey De Texas (D.L.B. Records)
  • 1976 : A Mis Amigos Cariñosamente (D.L.B. Records)
  • 1977 : Clavelito Clavelito (D.L.B. Records)
  • 1977 : El Principe Del Acordeón (D.L.B. Records)
  • 1977 : Flaco Jiménez Y Su Conjunto (Arhoolie Records)
  • 1988 : Flaco's Amigos (Arhoolie Records)
  • 1991 : San Antonio Soul (Rounder Records)
  • 1992 : Partners (Warner Bros. Records)
  • 1994 : Flaco Jiménez (Arista Records)
  • 1996 : Buena Suerte Senorita (Arista Records)
  • 1998 : Said and Done (Virgin Records)
  • 2002 : Sleepytown (Back Porch Records)
  • 2003 : Squeeze Box King (Compadre Records)
  • 2009 : Ya Volvi De La Guerra (Fiesta Records)
  • 2009 : Arriba el Norte (Rounder Records)
  • 2009 : Entre Humo y Botellas (Rounder Records)
  • 2014 : Flaco & Max: Legends & Legacies (Smithsonian Folkways Recordings)

Zuzeneko albumak
  • 1999 : One Night at Joey's (Live) (Sony Records)

Bildumak
  • El Rancho de la Ramalada (Joey Records)
  • 1993 : Ay Te Dejo En San Antonio Y Mas ([Arhoolie Records)
  • 1993 : Un Mojado Sin Licencia and Other Hits From the 1960s (Arhoolie Records)[1]
  • 1995 : Flaco's First! (with Los Caminantes) (Arhoolie Records)
  • 1995 : 15 Exitos (Joey Records)
  • 1999 : Best of Flaco Jiménez (Arhoolie Records)
  • 2001 : Ultimo Tornado (Warner Bros. Records)
  • 2001 : 20 Golden Hits (Hacienda Records)
  • 2002 : Flaco's Favorites: 14 Fabulous Tracks (Fab14 Records)
  • 2003 : Contiene Exitos, Prieta Case Se Me Olvido Otra Vez (Discos Ranchito)
  • 2006 : Fiesta Del Rio (Fiesta Records)
  • 2010 : Melodias (Joey Records)
  • 2010 : Polkas y Mas... (Joey Records)

Erreferentziak
  1. Flaco Jiménez: "Un mojado sin licencia", folkways-media.si.edu


This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.