Firn

Firn (alemanierazko Firn, esanahi berekoa) elur mota bat da, aurreko urtaroetatik iraun duena eta birkristaldu dena, elurraren eta glaziar-izotzaren arteko dentsitatea duena. Firn elurrak azukre hezearen itxura du, baina haren gogortasunak palaz garbitzea zailtzen du. Oro har, 550 kg/m³ baino handiagoko dentsitatea du eta glaziar buruan metatzen den elurraren azpian dago.

Glaziar azaleko laginak hartzen. Azaletik glaziar izotz urdineruntz, firn elurra trinkoagoa da.

Eraketa

Goiko elur geruzen pisuaren eraginez, elur malutak trinkotu egiten dira. Urtze-puntutik gertu, kristal indibidualak erdi-likidoak eta leunak dira, beste kristalen planoetan irristatuz eta tarteak betez, izotzaren dentsitatea areagotuz. Kristalak elkar ukitzean, batu egiten dira, eta tarteko airea estutu burbuilak osatuz edo azaleraino bultzatuz.

Udako hilabeteetan, kristalen eraldaketa areagotu daiteke, kristalen arteko perkolazioa dela-eta. Uda amaieran emaitza firn elurra da.

Firn elurra metatzeko gutxieneko garaierari firn muga edo firn lerroa deritzo[1].

Erreferentziak
  1. Ingelesez firn limit, firn line edo snowline

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.