Feldespato

Feldespatoak nagusiki, arroka igneoak osatzen dituzten mineral taldeak dira, beste edozein motatako arroketan ere aurki daitezkeen arren. Feldespatoak, aluminio, kaltzio, sodio edo potasiozko silikatoei dagozkie, edo base hauen nahasteei.

Feldespatoa
Ezaugarri orokorrak
Kategoria	Tektosilikatoak
Formula	(Ba,Ca,Na,K,NH4)(Al,B,Si)4O8
Sistema kristalino	Triklinikoa edo monoklinikoa
Identifikazioa
Kolorea	Aldakorra: gardena, zuria, arrosa, berdea, urdina, marroia
Gogortasuna Mohs eskalan	6 - 6,5
Distira	Beirakara
Marra	Zuria

Bere egitura, siliziozko oinarri batean (Si⁴⁺) datza, non, zati bat, isomorfikoki, aluminioagatik aldatua izan den. Kargak desorekatzean, katioi metalikoekin konpentsatzen dira (K⁺, Na⁺, Ca⁺²).

Monokliniko edo triklinikoak izan daitezke. Kolore zurikoak dira, dirdira beirakaradunak edo oso kolore argietakoak. Bere jatorria petrografikoa da, oso ugariak eta magmaren solidotzearen bidez eratutakoak. Oso aldagarriak dira eta kaolinizazio izeneko prozesu baten bidez narriatzen dira.

Feldespato guztiak mineral gogorrak dira, 2,5 eta 2,75 arteko pisu espezifikodunak. Bi talde handitan banatzen dira:

• Ortosak (feldespato potasikoak): monoklinikoak direnak, adibidez ortosa.
• Plagioklasak (feldespato kaltziko edo sodikoak): triklinikoak direnak, adibidez albita, labradorita eta anortita.

Kuartzoa eta mikarekin batera, granitoa osatzen duen mineraletako bat da, honen deskonposaketa, meteorizazioaren arduraduna delarik. Feldespatoaren meteorizazioa (edo kaolinizazioa), giro hezeetan eta karbono dioxidoz CO₂ kargatuetan gertatzen da. CO₂a CO₃an bihurtzen da, potasioa, kaltzioa edo sodioarekin lotzeko, karbonatuak sortuz, kaltzioaren kasuan kaltzita deritzo. Euren aldetik, silikato bikoitzek, aluminio silikato hidratatuak eratzen dituzte, kaolina, alegia.