Farah probintzia

Farah (Paxtueraz/persieraz: ‏فراه‎), Afganistango 34 probintzietako bat da, herrialdearen mendebaldean dagoena. Iparraldean Herat probintziarekin du muga, ipar-ekialdean Ghor probintziarekin, hego-ekialdean Helmand probintziarekin, hegoaldean Nimruz probintziarekin eta mendebaldean Iranekin. 48.471 km²-ko azalera du[1] eta 2009ko estimazioaren arabera 458.500 biztanle zituen.[2] Hiriburua Farah da eta lurraldeko hiri garrantzitsuenetarikoak Anar Darreh eta Šindand dira..

Farah probintzia
 Afganistan
Administrazioa
Estatu burujabe Afganistan
Afganistango probintziaFarah
Geografia
Koordenatuak32°20′37″N 62°07′10″E
Map
Demografia
Biztanleria54.000 (2012)

Biztanle gehienak (%80) paxtunak dira. Tajikak %14 dira eta badira gutxiengo belutxi, aimak eta hazarak ere.

Kultura eta gizartea

Irango goi-lautadarekin mugan dago lurraldea, eta biztanleria lurraldean barrena zabalduta bizi da. Ezagunak dira gaztelu-hondakinak, besteak beste.

Etniei dagokienez, paxtunak dira Farah-ko biztanle gehienak (%80 inguru), baina hiriburuaren inguruan eta lurraldean zehar beste etnia batzuetakoak ere badaude: Tajik etniakoak, Aimaq-ak, Baloch-ak eta Hazarak.

Orokorrean, gizarte-antolaketa patriarkala daukate: tribu-buruak (ia beti gizonezkoak) errespetu handiz tratatzen dituzte, eta familiak indar handia dauka.

Erlijio nagusia islama da; gehienak suniak dira, baina hazara gehienak xiitak dira.

Lurraldean hizkuntza hauek egiten dira: dari, persiera, paxtuera eta baloch hizkuntza.

Barrutiak
Farah Probintziako barrutiak

Farah Probintziak barruti hauek ditu:

  • Anar Dara
  • Bakwa
  • Bala Buluk
  • Farah (barrutia)
  • Gulistan
  • Khaki Safed
  • Lash Wa Juwayn
  • Pur Chaman
  • Pusht Rod
  • Qala-i-Kah
  • Shib Koh

Erreferentziak
  1. World Gazetteer: Afghanistan: Administrative Divisions (population and area)
  2. Islamic Republic of Afghanistan Central Statistics Organization (CSO)

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.