Familiako Itunak

Familiako Itunak (1733-1789), XVIII. mendean Espainiako Erresuma eta Frantziako Erresumen arteko hiru itun izan ziren. Bere izena Borboi etxetik dator, izan ere bai Frantzia bai Espainiako erregeek dinastia honen partaide ziren.

Familia hauen arteko loturek, Ingalaterraren eta Austriako Inperioaren aurka indartzeko beharraren ondorioz sortu ziren eta Frantzia eta Espaniako kanpo-politika bideratu zuten urte hauetan.

Lehen Ituna: Filipe V.ak eta Luis XIV.ak sinatuta 1733ko azaroaren 7an. Espainiak Italian aurretik izandako jabetzak Filipe V.ak berreskuratzeko; Luis XIV.ak bere aitaginarrebari, Poloniako erregeari, laguntzeko. Lehenak Napoles eta Sizilia berreskuratu zituen, eta Karlos semea egin zuen errege; bigarrenak ezin izan zion tronua itzuli Estanislao Poloniakoari.

Bigarren Ituna: Monarka berek 1743ko urriaren 25ean Ingalaterraren aurka sinatua. Fernando VI.ak Espainiako tronua hartu zuenean, neutraltasuna aldarrikatu zuen, eta, trukean, Italiako Milan eta Parma jaso zituen.

Hirugarren Ituna: Luis XVI.a Frantziakoak eta Karlos III.a Espainiakoak sinatua, 1761eko abuztuaren 15ean, Ingalaterraren aurka egiteko.