Fa'side gaztelua

Fa'side gaztelua (ingelesez: Fa'side Castle) Eskoziako Musselburgh herrian dagoen gaztelua da, Ekialdeko Lothian eskualdean.

Fa'side gaztelua
Kokapena
Estatu burujabe Erresuma Batua
Herrialdea Eskozia
Eskoziako kontseilu guneaEkialdeko Lothian
Koordenatuak55°55′40″N 2°59′51″W
Map
Arkitektura
Ondarea
LB19070

    Izena

    Hainbat izen izan ditu historian zehar, Fawside, Falside, Ffauside, Fauxside eta Fawsyde. Gaur egun Fa'side izena ematen zaio.

    Historia

    1189an Newbattle abadiako monjeek Saer de Quincy Winchesterreko lehen kondeari eman zizkioten lurrak eta honek gaztelu bat eraiki zuen. Hainbat eskutatik pasa ondoren 1371ean Fawsyde familiak hartu zuen eta hauek setioen ondorioz egoera eskasean zegoen gaztelua bota eta dorretxea eraiki zuten XV mendean.

    1547an suak kalte nabarmenak eragin zizkion. 1631ean Fawsyde familiak Edinburgheko Hamilton abizeneko negoziogizon bati saldu zion. XIX menderako jadanik hondarretan zegoen eta sarritan botatzear egon ziren. Izena bera ere jadanik galdua zeukan. 1975ean egindako ikerketa batek Fawsyde izena berreskuratu zuen eta a976 eta 1982 artean egindako lanei esker gaztelua berreraiki egin zen.

    Deskribapena

    L-itxurako oinarria duen eraikina da eta lau solairu ditu. Dorretxoekin horniturik dago. Gaztelua Fortheko fiordoaren gaineko muino batean kokaturik dago, Musselburgh erdigunetik 3'2 kilometro hegoaldera.

    Iruditegia

    Kanpo estekak
    This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.