Félix de Guarania

Félix de Guarania edo jaiotzez Félix Giménez Gómez (Paraguarí, 1924ko azaroaren 20a - Lambaré, 2011ko martxoaren 14a) idazle paraguaiarra izan zen, batez ere poesia landu izan zuena eta guaranierazko ikerlari handia izan zena. 85 liburu baino gehiago idatzi zuen, tartean gaztelerazko lan klasikoen itzulpenak (Miguel de Cervantes, Gustavo Adolfo Bécquer, José Hernández edo Federico García Lorca).

Félix de Guarania
Irudi gehiago
Bizitza
Jaiotza	Paraguarí, 1924ko azaroaren 20a
Herrialdea	Paraguai
Heriotza	Lambaré, 2011ko martxoaren 14a (86 urte)
Hezkuntza
Heziketa	Asunciongo Unibertsitate Nazionala
Hizkuntzak	gaztelania
Jarduerak
Jarduerak	idazlea eta poeta

Halaber hainbat hiztegi eta gramatika liburu argitaratu zituen, besteak beste "Diccionario Mitamî" (umeentzat), "Diccionario Ñe'ê aty mirî", "Gran diccionario Katygara", "Ñe’erekokatu ha ñe’ê morangatu" (gramatika eta literatura), "Tabla sinóptica para una nueva gramática guaraní", "Ñe’êypy rechauka. Ñe’ê rekokatu kuaa / Enciclopedia-Diccionario etimológico gramatical", "Ortografía Razonada de la Lengua Guaraní", "Nuevo Arte y Tesoro de la Lengua Guaraní" (entziklopedia) eta "Diccionario "Ñande ayvu tenonde porãngue’i" (hiztegia).

Alfredo Stroessneren diktaduraren garaian erbesteratu zen 26 urtez, komunista izanik, baina hala ere aktibismo soziala eta kultura indigenaren aldeko borroka ez zituen bertan behera utzi. Hori dela-eta, Giza Eskubideen defendatzaile moduan hainbat sari eta aipamen jaso zituen. Besteak beste, 2007an "honoris causa" doktore izendatu zuen Asunción-eko Unibertsitateak.