Eva Garcia Saenz de Urturi
Eva Garcia Saenz de Urturi (Gasteiz, 1972ko abuztuaren 20a) arabar eleberrigilea da. Hamabost urte bete zituenetik Alacanten bizi da eta bertan ikasi zuen optika. 2016an El silencio de la ciudad blanca argitaratu zuen eta izugarrizko arrakasta izan zuen.[1]
| Eva Garcia Saenz de Urturi | |
|---|---|
 | |
| Bizitza | |
| Jaiotzako izen-deiturak | Eva García Sáenz |
| Jaiotza | Gasteiz, 1972ko abuztuaren 20a (51 urte) |
| Herrialdea |  Araba, Euskal Herria |
| Hezkuntza | |
| Heziketa | Alacanteko Unibertsitatea |
| Hizkuntzak | gaztelania |
| Jarduerak | |
| Jarduerak | eleberrigilea, idazlea, managerra eta unibertsitateko irakaslea |
| Lantokia(k) | Alacant |
| Lan nabarmenak | ikusi
|
| Jasotako sariak | ikusi
|
| evagarciasaenz.com eta evagarciasaenz.com… | |
  | |
2019an "El silencio de la ciudad blanca" filmarekin Eva Garciaren eleberria zinemara eraman zuen Daniel Calparsorok, eta Belen Rueda eta Javier Rey dira egokitzapenaren protagonistak, hain zuzen ere.
Biografia
Hamabost urterekin Alicantera lekualdatu zen. Optika eta optometrian lizentziatu ondoren, optika sektorean eta Alicanteko Unibertsitatean lan egitera igaro zen.
Literaturan interesatua, hainbat argitaletxeekin kontaktuan jarri zen. Halere, erantzunik jaso ez zuenez, 2012an La saga de los longevos: la vieja familia eleberria Amazon bidez salgai jarri zuen, honetan bere burua ezagutzera eman zuen eta bere lehenbizko eleberriak gainontzeko usadiozko best sellerrekin parekatuz gero literatur fenomeno batean bilakatu zen.
Lanak
- La saga de los longevos: la vieja familia (2012)
- Los hijos de Adán eta Pasaje a Tahití(2014): Eleberri biek biek ere irakurleen erantzun bikaina jaso zuten.
- El silencio de la ciudad blanca (2016): Gasteiz jaioterrian girotutako nobela beltza. Proiektu hau egoki girotzeko, polizia akademia batekin kontaktuan jarri eta behaketa teknika eta hatz-aztarnen errebelaketa ikastaroak burutu zituen.
- Los ritos del agua (2017) eta Los señores del tiempo (2018): Beste bi liburu hauekin trilogia osatu zuen, milioi bat aletik gora saldu dituena. Espainiako eleberrigile arrakastatsuena da.
- Aquitania (2020).
Sariak
- 2016an "Premio alavesa del mes" saria eman zion El Correo egunkariak.
- Araba 2017 SER saria jaso zuen. Urte berean, Andre Maria Zuriaren jaietan txupinera izan zen.
- 2018an "500 poderosas Yodona" aitortza jaso zuen, "kulturaren munduan eragin handiko emakumeen artean" sariturik.
- 2019an "Libro ficción del año" (El Corte Inglés), «Los Señores del Tiempo» liburuagatik.
- 2020an "Golden Bullet" saria (Urrezko bala): "Zloty Pocisk Best Foreign Crime Fiction".
Itzulpenak eta zabalkuntza
Ingeles, frantses, aleman, italiera, herbeerera, greziera, errusiera, txekiera, portuges, poloniera, bulgariera, serbiera, hungariera eta kroaziera dira itzulpenetan erabilitako hizkuntzak orain arte.
Halaber, argitaratu izan dira euren liburuak AEB, Kanada, Australia, Britainia Handia, Frantzia, Alemania, Italia, Herbehere, Grezia, Errusia, Txekia, Brasil, Portugal, Polonia, Bulgaria, Serbia, Hungaria, Kroazia, Paraguai, Txile, Argentina, Peru, Kolonbia eta Mexikon.
Erreferentziak
Ikus, gainera
- Zerrenda:Euskal Herriko erdal idazleak
Kanpo estekak
- (Gaztelaniaz) (Ingelesez) Webgune ofiziala
| Autoritate kontrola |
|
|---|
Datuak: Q27506759
Multimedia: Eva García Sáenz / Q27506759