Euskal Herrialdeetako Alderdi Komunista

Euskal Herrialdeetako Alderdi Komunista (EHAK) Hego Euskal Herriko alderdi politiko komunista eta abertzalea da.

Euskal Herrialdeetako Alderdi Komunista
Partido Comunista de las Tierras Vascas
BuruzagiaJuan Carlos Ramos
Sorrera2002
Desegitea20081
Egoitza nagusiaDonostia (Gipuzkoa)
Ideologia politikoaKomunismo
Marxismo-leninismo
Ezker Abertzalea
Independentismoa
ehak.blogspot.com
1 Legez kanpo

2002ko uztailaren 29an alderdi politiko gisa erregistratu zuten Bilboko notaritza batean. 2005ean, Eusko Legebiltzarra osatzeko hauteskundeetan aurkeztu zen lehen aldiz, Espainiako Estatuaren Justiziak legez kanpo utzitako Aukera Guztiak plataforma politikoaren konpromisoa bere gain hartuta.

Urte bereko apirilaren 8an, Batasuna alderdi politiko ilegalizatuak EHAKi bozkatzeko eskatu zien bere militante eta jarraitzaileei, prentsaurreko batean adierazi zutenez.

Eusko Legebiltzarrean, EHAKeko hautetsiek Ezker Abertzalea talde parlamentarioa osatu zuten.

EHAKren kartel bat graffiti komunista baten aldamenean.

2007ko urriaren 5ean, EHAKren Donostiako ordezkaritza miatu zuen Espainiako Poliziak, eta bertatik ordenagailuak eta dokumentazioa atera.

2008ko otsailaren 8an, Espainiako Entzutegi Nazionaleko Baltasar Garzon epaileak alderdiaren jarduera hiru urtez eteteko agindu zuen, EAE-ANV alderdiarekin batera[1]. Otsailaren 11n alderdi komunistako kide batzuk atxilotu zituzten, Baltasar Garzon epaileak agindutako "Batasunaren aurkako" operazio batean; halaber, EHAKko egoitzak miatu zituzten[2].

2008ko irailaren 18an, Espainiako Auzitegi Gorenak EHAK legez kanpo utzi zuen[3], EAE-ANV alderdia debekatu eta bi egunera.

Hauteskunde emaitzak

2005eko apirilaren 15ean egindako Eusko Legebiltzarrerako hauteskundeetan 150.644 boto eta bederatzi eserleku lortu zituen EHAK-k.

Erreferentziak
  1. EHAKren eta EAE-ANVren jarduera eten du Garzonek, 3 urterako Berria, 2008-02-08
  2. Ezker abertzaleko 14 kide atxilotu ditu Espainiako Poliziak, Garzonen aginduz Berria, 2008-02-11
  3. EHAK ere legez kanpo utzi du Auzitegi Gorenak Berria, 2008ko irailaren 18a

Ikus, gainera

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.