Euskadi Información
Euskadi Información Euskal Herriko egunkari bat zen, gaztelania eta euskara erabiltzen zituena. Lehen alea 1998ko uztailaren 16ean argitaratu zen. Egun bat lehenago Baltasar Garzon epaileak Egin eta Egin Irratia itxiak zituen ETArekin zerikusia zutelakoan.
| Euskadi Información | |
|---|---|
| Mota | informazio politikoa |
| Fitxa teknikoa | |
| Lehen zenbakia | 1998ko uztailaren 16a |
| Hizkuntza | gaztelania, euskara, frantsesa |
| Argitaratze lekua | Donostia |
| Kolorea | zuri-beltzez |
| Banaketa | |
| Banatze-eremua |  Euskal Herria |
| Maiztasuna | egunero |
| Historia | |
| Ideologia | Ezkertiar eta abertzalea |
| Sortzailea | Egin egunkariko langileak |
Guztira Euskadi Informacion egunkariaren 198 ale kaleratu ziren, eta Egin egunkaria itxi eta sei hilabetera proiektu berri bat gauzatu zen Gara izenekoa. Behin-behineko egunkari bat izan zen, urte batzuk beranduago Euskaldunon Egunkariaren itxieran sorturiko Egunero egunkaria bezala.
2009an itxiera bidegabekotzat jo zuen Espainiako Auzitegi Gorenak, baina hamaika arduradun hainbat urtez izan ziren espetxean. Gainera, Eginen 4,7 milioi euroko zorra Gara egunkariari zamatu zioten gero.[1]
Erreferentziak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.