Europako Kristau Higikunde Politikoa

Europako Kristau Higikunde Politikoa (ingelesezko sigla: ECPM) Europako hainbat herrialdetako kristau-alderdiek osatutako europar alderdi politikoa da. Gaur egun, bost kidek ordezkatzen dute Europako Legebiltzarrean.

Europako Kristau Higikunde Politikoa
LehendakariaBranislav Škripek
Sorrera2002ko azaroan
Eremua Europar Batasuna
Egoitza nagusiaBergstraat 33, 3811 NG Amersfoort,  Herbehereak
Ideologia politikoaKristau-demokrazia[1]
Kontserbadurismo soziala[2]
Eskuina[2]
Gazte-erakundeaEuropako Kristau Gazte Politikoak (ECPYouth)
Eserlekuak erakundeetanEuropako Legebiltzarra:
5 / 705
www.ecpm.info
Europako Legebiltzarreko taldea:
Europako Kontserbadore eta Erreformistak[2]
(4, gehiengoa)
Europako Alderdi Popularra taldea
(1, Kristau Batasuna)

ECPM Lakiteleken (Hungaria) "Europa kristau baten alde" biltzarrean sortu zuten 2002ko azaroan. 15 alderdik osatzen dute, gehienak txikiak, 15 herrialdetakoak –EBko estatukide direnak zein ez direnak–. 2010eko otsailean, Europa mailan alderdi politiko aintzatetsi zuten. Alderdiaren egoitza Amersfoorten (Herbehereak) kokatuta dago.

Europako Kristau Gazte Politikoak (ECPYouth) ECPMren gazte-erakundea da. ECPMrekin kidetutako europar iraskunde politikoa Sallux du izena (2016ko amaierara arte, Europarako Kristau Iraskunde Politikoa) –salz ("gatza") eta lux ("argia") hitzak elkartuz sortutako baliza-hitza–.[3]

Historia

ECPM, antolakunde gisa, 2002ko azaroan hasi zen, 15 herrialde baino gehiagoko alderdi politikoetako ordezkariek Europan kristau-politika egiteko aukera berriak aztertzea erabaki zutenean, Lakiteleken egindako "Europa kristau baten alde" biltzarrean. ECPM kristau-alderdi eta -elkarteekin hasi zen, bakoitzaren sinesbidea zein zen ere.

EBko herrialdeetako zein EBtik kanpokoetako (adib. Suitza, Ukraina eta Armenia) alderdiek esku hartu zuten lehenengo urte haietan, eta urtez urte haziz joan den higikundea sortu zuten. 2003an, ECPMk "Europarentzako Balioak" Lakitelekeko adierazpenean zortzi gida-oinarri hartu zituen, ECPMren Europari buruzko ikuspegia moldatu zutena. Tallinnen (Estonia), 2005eko urtarrilean, ECPMk bere lehenengo zuzendaritza hautatu zuen.

2005eko irailaren 15ean, herbeheretar legediaren arabera, elkarte gisa estatutuekin ofizialki erregistratu zen. 2007ko irailean, ECPMk oinarrizko programa berri bat onartu zuen 'Europari ekarpen kristau-soziala', funtsezko oinarriak lantzen dituena.

2009an, Batzar Nagusiak Europako Programa Politiko ofiziala onartu zuen, Lakitelekeko adierazpenean oinarrituta. 2010ean, Europako Legebiltzarrak europar alderdi politiko ofizialki aintzatetsi zuten;[4] eta, beraz, dirulaguntzak jaso ahal izan zituen.

Gainera, ECPMk 2010ean Sallux sortu zuen, eta 2011n Europako Legebiltzarrak aintzatetsi zuen.[5]

2014an, ECPMk lehenengo biderrez esku hartu zuen europar alderdi gisa. 2013tik 2016ra, zuzendaritzaren burua Peter Ösman diputatua izan zen, eta, 2016tik, Branislav Škripek europar diputatua.

Kideak

ECPMk Europa osoan alderdi-kide eta elkarte-kideak ditu. Alderdikideak erregistratutako alderdi politikoak eta legebiltzar nazionaletako taldeak dira, eta elkartekideak erakundeak.[6]

Alderdi-kideak
Herrialdea Alderdia Eserlekuak

(Europako Legebiltzarra)

 Eserlekuak

(Biltzar nazionalak)

 Alemania C Aliantza – Kristauak Alemaniaren alde (Bündnis C) – –
Alemaniako Sendien Alderdia (Familie)
1 / 96
ECR taldean		 –
 Armenia Armeniako Batasun Kristau-Demokratikoa Ez dago EBn –
 Austria Austriako Kristau Alderdia (CPÖ) – –
 Erresuma Batua Kristau Herrien Aliantza (CPA) Ez dago EBn –
 Errumania Errumaniako Eslovakiar eta Txekiarren Batasun Demokratikoa (UDSCR) –
1 / 329
Nekazarien Alderdi Nazional Kristau-Demokratikoa (PNȚCD)
1 / 33
ECR taldean		 –
 Eslovakia Kristau Batasuna (KU) – –
 Espainia Contigo Más – –
 Frantzia VIA, herriaren bidea – –
 Georgia Herri Alderdi Kristau-Demokratikoa Ez dago EBn –
 Herbehereak Kristau Batasuna (CU)
1 / 29
EPP taldean
5 / 150
Alderdi Politiko Erreformatua (SGP)
1 / 29
ECR taldean
3 / 150
 Italia Nortasuna eta Ekintza (IDeA) –
1 / 315
(goi-ganbera)
 Irlanda Giza Duintasunaren aldeko Aliantza –
1 / 60
(goi-ganbera)
 Kroazia Kroaziako Subiranistak
1 / 12
ECR taldean
4 / 151
(1, Hrast)
 Letonia Esnaera – –
 Moldavia Herri Alderdi Kristau-Demokratikoa (PPCD) Ez dago EBn –
 Mazedonia INTEGRA – Mazedoniako Alderdi Kontserbadorea Ez dago EBn –
 Polonia Errepublikako Eskuina (PR) – –
Benetako Politika Batasuna (UPR) – –
 Portugal Herri Alderdi Erregezalea (PPM) – –
 Suitza Herri Alderdi Ebanjelikoa (EVP-PEV) Ez dago EBn
3 / 200
 Ukraina Batasun Kristau-Demokratikoa (CDU) Ez dago EBn –

Elkarte-kideak

Erreferentziak
  1. (Ingelesez) Costa, Olivier; Brack, Nathalie. (2016-04-29). How the EU Really Works. Routledge, 120 or. ISBN 9781317120735. (Noiz kontsultatua: 2021-04-03).
  2. (Ingelesez) Nordsieck, Wolfram. (2019). «Parties and Elections in Europe» web.archive.org (Noiz kontsultatua: 2021-04-03).
  3. (Ingelesez) «What Sallux stands for» sallux (Noiz kontsultatua: 2021-04-03).
  4. (Ingelesez) Grants from the European Parliament to political parties at European level 2004-2012. .
  5. (Ingelesez) «Our origins» ECPM (Noiz kontsultatua: 2021-04-03).
  6. (Ingelesez) «Our members and associates» ECPM (Noiz kontsultatua: 2021-04-03).

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.