Eugène Ysaÿe

Eugène-Auguste Ysaÿe (Lieja, 1858ko uztailaren 16a - Brusela, 1931ko maiatzaren 12a) belgikar biolinista, musikagile eta orkestra-zuzendaria izan zen. ""Biolineko erregea"" bezala ezagutu zen eta Nathan Milsteinek "Tsarra" deitu zion.

Eugène Ysaÿe
Irudi gehiago
court chapel master (en)
Bizitza
Jaiotza	Lieja, 1858ko uztailaren 16a
Herrialdea	Belgika
Lehen hizkuntza	frantsesa
Heriotza	Brusela, 1931ko maiatzaren 12a (72 urte)
Hobiratze lekua	Ixelles Cemetery (en)
Heriotza modua	berezko heriotza: diabetes mellitusa
Familia
Anai-arrebak	ikusi Théo Ysaÿe (en)
Hezkuntza
Heziketa	Royal Conservatory of Liège (en) Royal Conservatory of Brussels (en)
Hizkuntzak	frantsesa
Irakaslea(k)	Lambert Massart
Ikaslea(k)	ikusi Julia Klumpke
Jarduerak
Jarduerak	musikagilea, orkestra zuzendaria, biolin-jotzailea, musika-irakaslea, unibertsitateko irakaslea eta concertinoa
Enplegatzailea(k)	Royal Conservatory of Brussels (en)
Jasotako sariak	ikusi Royal Philharmonic Society Gold Medal  (1901)
Kidetza	Quatuor Ysaÿe (en)
Musika instrumentua	biolina

Bost urterekin aitaren biolin eskolak jasotzen hasi zen eta zazpi urterekin Liejako Kontserbatorioan sartu zen. Henri Vieuxtempsen lezioak ere jaso zituen.

Kontserbatorioan graduatu ondoren, Berlingo Filarmonikan biolin nagusia izan zen. Hogeita zazpi urterekin bakarlari gisa hasi zen Parisen eta hurrengo urtean irakasle sartu zen Bruselako kontserbatorioan. Horrek ez zion Europan eta Estatu Batuetan kontzertuak ematen jarraitzea eragotzi. Hainbat musikagilek konposatu zituzten berarentzat lanak, hala nola Claude Debussy, Camille Saint-Saëns, César Franck eta Ernest Chausson. Pixkanaka-pixkanaka, bere osasun arazoak zirela eta, irakaskuntzan eta konposizioan gehiago aritu zen.

Bere ezaugarririk bereizgarriena rubatoan izan zuen maisutasuna izan zen. Musikagile erromantiko eta modernoen interprete handia izan zen, baina Bachen eta Beethovenen lanen exekuzioagatik ere miretsia izan zen.