Etxe eskola

Etxe eskolak Euskal Herrian frankismo garaian euskaraz hezitzeko esperientzia multzoak izan ziren. Etxe eskolak egin zituzten hezitzaileetako batzuk ikastolen sorrera mugimenduarekin lotuak izan baziren ere, etxe eskolaren eta ikastolaren ezberdintasunak nabariak izan ziren, hezkuntza ulertu zein praktikan jartzeko moduan. Elbira Zipitria izan zen lehenengo etxe eskola sortu zuena, Donostian eta 1946 urtean hain zuzen, etxebizitza partikular batean haurrak bilduz euskaraz ikasteko. Eskola hauetako askok klandestinitatean egin zuten lana, gaztelania soilik eta arlo guztietan hizkuntza ofiziala zen marko juridikoan.

Artikulu hau frankismo garaian Euskal Herrian euskaraz ikasteko esperientziei buruzkoa da. Etxean garatzen den hezkuntzari buruz jakiteko, ikus Etxeko eskolatze.