Etorkizuneko Tourra

Etorkizuneko Tourra (frantsesez: Tour de l'Avenir) Frantziako txirrindulari lasterketa bat da, Frantziako Tourraren oso antzekoa, ia ibilbide berdina duena, baina amateur eta semiprofesionalentzat egina dagoena. Felice Gimondi, Joop Zoetemelk, Greg Lemond, Miguel Indurain, Laurent Fignon eta Tadej Pogačar, besteak beste, izan dira Etorkizuneko Tourraren irabazle.

Etorkizuneko Tourra
Orokortasunak
Kirola	Errepideko txirrindularitza
Sorrera	1961
Ekitaldi kopurua	60 (urtea: 2023)
Aldizkotasuna	urterokoa (Abu)
Mota	Etapakako lasterketa
translation for raceinfobox_translate index 33 not found	Frantzia
Webgune ofiziala	Webgune ofiziala
Mailak	2.5 (1999-2004) 2.1 (2005-2006) 2.Ncup (2007-)
Zirkuitua	UCI Men Juniors Nations’ Cup
Palmaresa
Azken garailea	Isaac Del Toro
Garaipen gehien lortu duena	Sergei Sukhoruchenkov (2 garaipen)
	Dokumentazioa

Lasterketa 1961ean sortu zuen Jacques Marchandek, L'Equipe aldizkariko editorea,[1] eta hastapeneko helburua Sobietar Batasunetik eta herrialde komunistetatik txirrindulari profesionalak ez zituzten taldeak erakartzea zen gero Frantziako Tourrean sartzeko. 1967 bitarte, Tourraren egun berdinetan jokatzen zen eta etapen zati batzuk berdinak izaten ziren ere. 1968tik aurrera, irailean jokatzera pasa zen eta Tourretik berezitu egin zen.[2] Bere ibilbidean, izen desberdinak hartu ditu: Etorkizuneko Sari Nagusia (1970); Etorkizunekok Peugeot Saria (1972-1979) eta Europar Komunitatearen Tourra (1986-1990). 1961etik 1980ra txirrindulari amauteurretara mugatua zegoen eta 1981ean profesionaletara ireki zen. 1992tik, 25 urtetik beherako guztientzat ireki zen, eta gaur egun, muga hori 23 urteetan dago.[3][4]

2017tik, lasterketa herrialdeen arteko lehiaketa bilakatu da. 2013an herrialde hauek hartu zuten parte: Frantzia, Herbehereak, Belgika, Norvegia, Alemania, Eslovenia, Erresuma Batua, Italia, Kazakhstan, Danimarka, Kolonbia, Australia, Errusia, Ameriketako Estatu Batuak, Ukraina, Espainia, Austria, Suitza, Letonia, gehi World Cycling Centreko nahas-mahas talde bat.