Etazeta

Etazeta Bitiniakoa, Nikomedes I.a Bitiniakoaren bigarren emaztea izan zen. Erresuma honen historian, Etazetaren igarotzea, laburra da, baina zalapartatsua.

Historiara, bere semeak Bitiniako tronuan jartzen saiatzeagatik pasa zen, Zielas Bitiniakoak zapuztu zuena, Nikomedes I.ak, bere lehen ezkontzan izan zuen semeak. Izan ere, erregeak berak, hil aurretik, Etazetarekin izan zituen semeak izendatu zituen tronurako oinordeko bezala, baina, Nikomedesen semeak, hau hil zenean, oraindik adin txikikoak zirenez, Etazetak gobernatu zuen euren izenean urte betez, K.a. 255etik K.a. 254 arte.

Hil aurretik, Nikomedes I.ak, gainera, Ptolomeo II.a Egiptokoa eta Antigono II.a Mazedoniakoa, bere seme-alaba txikienen zaindari izendatu zituen. Bizantzio, Heraklea Pontika eta Zio hiriei, antzeko eginkizuna eman zitzaien.

Nikomedes I.a, K.a. 255ean hil zen, eta, honen ondoren, Zielas, bere aitaren borondatea onartzeari uko egin zion, eta bere amaordearen aurka gerra kanpaina bat bidali zuen erresumako tronua berreskuratzeko. Gatazkak ez zuen asko iraun, Nikomedes I.ak, bere seme txikien, eta, beraz, Etazetaren semeen, zaindari bezala izendatutako hiri eta pertsonetako bakar bat bera ere ez baitzen laguntzera joan.

K.a. 254an, Etazeta, bere hildako senarraren anaiarekin ezkondu zen, legitimitatea eta babesa lortzeko, baina, ahalegin hau, alferrikakoa izan zen, handik gutxira, Zielasek erabat garaitu baitzuen, nork, haren semeekin batera, Mazedoniara erbesteratu zuen.