Estoa

Estoa (grezieraz στωα, stoa) arkitektura greziarrean portikoak edo apirikuak jasotzen duen izena da.

Atalosen estoa berreraikia, Atenas

Atalosen estoaren kanpoaldea

Eraiketa soilenetakoa da, planta laukizuzen luzea izaki. Estalia, zutabe errenkada batez eta alboetan hormen bidez osatzen da. Normalean, horma luzeenak iparraldeko haizeaz eta euriaz babesten du, eta zutabe errenkada hegoaldeko albo luzean kokatzen zen, hegoaldetik jotzen duen eguzkiari bide egiteko.

Espazio publikoetako elementua zen, normalean agora bera mugatzeko erabilia. Bertan, maiz egokitzen ziren dendak eta beraz jarduera komertziala ematen zen arrunki.