Espermizida

Espermizida espermatozoideak suntsitzeko gai den substantzia da. Kontrazepzioko metodo gisa erabil daiteke, hainbat modutan prestatua (obulu baginalak, kremak, etab.).[1] Normalean, kontrazepzio-hesiko metodoen eraginkortasuna handitzeko erabiltzen dituzte, hala nola gizonezkoentzako/emakumentzako preserbatiboak edo diafragma, edo bakarrik, baginako obuluetan. Osagai aktibo ohikoena nonoxinol-9 da, baina pertsona batzuk alergikoak dira. Bentzalkonio kloruroa, klorhexidina, menfegola, oktoxinol-9 eta sodio dokusatoa ere erabil daitezke.

Espermizidak.

Erabilera topikoko substantzia hauek ez dute GIBaren infekzioaren kontra babesten; aitzitik, baginan edo uzkian eragin dezaketen narritadurak GIBaren transmisiorako arriskua handiagotu dezake.[2]

Behar bezala erabilita, eraginkortasun-maila % 91 ingurukoa da;[3] aldiz, erabiltzaileak akatsen bat egiten badu, eraginkortasuna % 30era murrizten da.