Espainiako Superkopa

1994tik 2018ra bitartean urtero jokatu zen trofeoa abuztuaren amaieran, eta UEFAko Superkoparekin batera, Espainiako futbol denboraldiaren hasiera ofiziala izan zen. 35 edizio jokatu dira (1986 eta 1987ko edizioak ez ziren jokatu).

1995eko ediziora arte, talde batek Liga eta Kopako tituluak lortzen bazituen, zuzenean Superkopa irabazten zuen, baina, 1996tik aurrera 2018ra arte, talde batek dobletea eginez gero, Kopako txapeldunordearen aurka jokatzea erabaki zen.

Historian zehar hamabi klubek parte hartu dute txapelketan eta soilik hamarrek lortu dute irabaztea.

Lehen Superkopa 1982an Errealak irabazi zuen. Talde sarituena Barça da 14 titulurekin, ondoren Real Madrid Club de Futbol 11 garaikurrekin, eta, azkenik, Athletic Club eta Real Club Deportivo de La Coruña 3rekin (azken hau izan da jokatu dituen edizio guztiak irabazi dituen talde bakarra).

Lionel Messi da golegile historikoa (14 gol) eta garaikur gehien dituena (8).

2020 urtetik aurrera, formatu berri batekin jokatzen hasi zen lehiaketa. Errege Kopako bi talde finalisten eta Ligako Txapelketako bi talde onenen artean jokatzea erabaki zen final four baten moduan. Talderen batek bai liga bidez zein kopa bidezko sailkapena lortzekotan, Errege Kopako finala jokatu ez duten Ligako Txapelketako sailkaturik onenak sartuko lirateke Superkopan.

Kopako txapeldunak ligako txapeldunordearen aurka jokatuko luke, eta ligako txapeldunak kopako txapeldunordearen aurka.

2021ean Covid-19aren izurritea zela eta, ezohiko egoera bizi izan zen eta Kopako txapelduna zehaztu gabe jokatu behar izan zen, finalean zeuden bi talde euskaldunek, Athletic Club eta Errealak alegia, finala atzeratzea adostu baitzuten, harmailetan bi taldeen zaletuak sartu ahal izateko esperoan. Beraz txapeldun eta txapeldunorde gabe, ligako eta kopako ordezkarien arteko zozketa egin zen. Horrela, finalerdiak Bartzelona-Real Sociedad eta Real Madril-Athletic Cluben artean jokatu ziren. Lehen finalista Bartzelona izan zelarik, Erreala penaltietan garaitu ostean eta bigarrena Athletic Cluba, Real Madrileri 2-1 gailendu ostean. Finala Athleticek irabazi zuen Iñaki Williamsen luzapeneko golari esker eta aurretik Oscar De Marcos (lehen zatiaren amaieran) eta Asier Villalibrek (bigarren zatiaren amaieran, luzapena behartuz) sartutako golei esker.

Bernardo Salazar historialariak azaldu zuenez, Ligako eta Kopako txapeldunak lehiatzearen ideia, Espainiako Futbol Federazioak 1936ko batzarrean onartu zuen, Leopoldo García Durán buru zela, baina ezin izan zen gauzatu Gerra Zibilaren ondorioz. Athletic Club (1935-36 Ligako txapelduna) eta Madrid Foot-Ball Club (1936ko Kopako txapelduna) ziren kopa hau jokatu behar izango zuten lehenak. Altxamendu faxistaren ostean, 1939-40 denboraldia amaitzean, ideia berpiztu zen.

Hurrengoak dira ezagutzen dugun Superkoparen aurrekariak:

• Txapeldunen Kopa (1940), lehen aurrekari ezaguna, ofizialtasun eztabaidatukoa, Ligako eta Kopako txapeldunaren aurka jokatzen zuena, garaikurra Erdialdeko Federazioko presidenteak emanez. Irabazlea: Atletico Madril

• Espainiako Futbol Federazioko Presidentearen Kopa (1941), Espainiako Futboleko Federazioak antolatutako txapelketa ofiziala, ligaxka formatuan jokatu zena. Antolatzeko zailtasunak zirela eta, 1947ra arte ez zen amaitu. Irabazlea: Atletico Madril

• Urrezko "Argentina" Kopa (1945-46), Kataluniako Federazioak antolatutakoa. Irabazlea: Barça

• Eva Duarte Kopa (1947/48-1952/53), Espainiako Futbol Federazioak antolatua eta egungo formatuaren aurrekari ofiziala.

Txapelketa guzti hauek Espainiako Ligako Txapelketako eta Espainiako Kopako txapeldunen artean jokatzen ziren.

Taldea	Txapeldun	Txapeldunorde	Urteak txapeldun	Urteak txapeldunorde
Barça	4	2	1946, 1948, 1952, 1953	1949, 1951
Atlético	3	1	1940, 1941, 1951	1950
Valencia	1	2	1949	1941, 1947
Athletic	1	1	1950	1946
Real Madril	1	-	1947	-
Espanyol	-	1	-	1940
Sevilla	-	1	-	1948

Urtea	Txapelduna	Emaitza	Bigarrena	Oharrak
1982 Gehiago	Real Sociedad (L)	5-0 (0-1 / 4-0)	Real Madril (K)
1983	FC Bartzelona (K)	4-1 (3-1 / 0-1)	Athletic (L)
1984	Athletic (L+K)	-		Finalik ez zen izan Athletic-ek Liga eta Kopa irabazteagatik
1985	Atletico Madril (K)	4-1 (3-1 / 0-1)	FC Bartzelona (L)
1986				Real Madril (L) eta Zaragoza (K) ez ziren data adostera iritsi
1987				Real Madril (L) eta Erreala (K) ez ziren data adostera iritsi
1988	Real Madril (L)	4-1 (2-0 / 1-2)	FC Bartzelona (K)
1989	Real Madrid (L+K)			Finalik ez zen izan Real Madrilek Liga eta Kopa irabazteagatik
1990	Real Madril (L)	4-2 (1-0 / 4-1)	FC Bartzelona (K)
1991	FC Bartzelona (L)	2-1 (0-1 / 1-1)	Atletico Madril (K)
1992	FC Bartzelona (L)	5-2 (3-1 / 1-2)	Atletico Madril (K)
1993	Real Madril (K)	4-2 (3-1 / 1-1)	FC Bartzelona (L)
1994	FC Bartzelona (L)	6-5 (0-2 / 4-5)	Real Zaragoza (K)
1995	RC Deportivo (K)	4-2 (3-0 / 2-1)	Real Madril (L)
1996	FC Bartzelona (K2)	8-3 (5-2 / 1-3 )	Atletico Madril (L+K)	Bartzelonak Kopako txapeldunorde izanda irabazi zuen Superkopa
1997	Real Madril (L)	6-2 (1-2 / 4-1 )	FC Bartzelona (K)
1998	RCD Mallorca (K2)	2-2 (2-1 / 1-0)	FC Bartzelona (L+K)	Mallorcak Kopako txapeldunorde izanda irabazi zuen Superkopa
1999	Valentzia CF (K)	4-3 (1-0 / 3-3)	FC Bartzelona (L)
2000	RC Deportivo (L)	2-0 (0-0 / 2-0)	RCD Espanyol (K)
2001	Real Madril (L)	4-1 (1-1 / 3-0)	Real Zaragoza (K)
2002	RC Deportivo (K)	4-0 (3-0 / 0-1)	Valentzia CF (L)
2003	Real Madrid (L)	4-2 (2-1 / 3-0)	RCD Mallorca (K)
2004	Real Zaragoza (K)	4-1 (1-0 / 1-3)	Valentzia CF (L)
2005	FC Bartzelona (L)	4-2 (0-3 / 1-2)	Real Betis (K)
2006	FC Bartzelona (L)	4-0 (0-1 / 3-0)	RCD Espanyol (K)
2007	Sevilla FC (K)	6-3 (1-0 / 3-5)	Real Madril (L)
2008	Real Madrid (L)	6-5 (3-2/4-2)	Valentzia CF (K)
2009	FC Bartzelona (L+K)	5-1 (1-2 / 3-0)	Athletic (K2)
2010	FC Bartzelona (L)	5-3 (3-1 / 4-0)	Sevilla FC (K)
2011 Gehiago	FC Bartzelona (L)	5-4 (2-2 / 3-2)	Real Madril (K)
2012	Real Madril (L)	4-4 (3-2 / 2-1)	FC Bartzelona (K)	Kanpoko golen balio bikoitzatik erabakia
2013	FC Bartzelona (L)	1-1 (1-1 / 0-0 )	Atletico Madril (K)	Kanpoko golen balio bikoitzatik erabakia
2014	Atletico Madril (L)	2-1 (1-1 / 1-0 )	Real Madril (K)
2015 Gehiago	Athletic (K2)	5-1 (4-0 / 1-1 )	FC Bartzelona (L+K)	Athletic-ek Kopako txapeldunorde izanda irabazi zuen Superkopa
2016	FC Bartzelona (L+K)	5-0 (0-2 / 3-0 )	Sevilla FC (K2)
2017	Real Madril (L)	5-1 (1-3 / 2-0)	FC Bartzelona (K)
2018 ()	FC Bartzelona (L+K)	2-1	Sevilla FC (K2)	Ekitaldi hau partida bakarrera jokatu zen Tangerren (Maroko).
2020 ()	Real Madril (L3)	0-0 (pen:4-1)	Atletico Madril (L2)	2020ko urtarrilean Jiddan (Saudi Arabia) jokatu zen formatu berriarekin (4 talde).
2021 Gehiago	Athletic (K2)	3-2 (luz)	FC Bartzelona (L2)	2020 Kopa finala jokatu aurretik jokatu zen Andaluzian.
2022 ()	Real Madril (L2)	2-0	Athletic (K2)	2022ko urtarrilean Riaden (Saudi Arabia) jokatu zen.
2023 ()	FC Bartzelona (L2)	3-1	Real Madril (L)	2023ko urtarrilean Riaden (Saudi Arabia) jokatu zen.

• (L) Liga txapelduna
• (K) Kopa txapelduna
• (L+K) Liga eta Kopa txapelduna
• (K2) Kopako txapeldunordea
• (L2) Ligako bigarrena
• (L3) Ligako hirugarrena
• (luz) luzapenean
• (pen) penalti jaurtiketak

• (Gaztelaniaz) Espainiako Futbol Federazioaren webgunea