Esne-gain gordin

Esne-gain gordina[1] edo esne-gain freskoa krema zuri, gantzatsu (% 30-40 gantz, % 15 laktosa) eta, dituen hazitako bakterioen ondorioz, arinki garratza da. Alabaina, haren antzeko esne-gain garratza baino gantzatsuagoa da, eta ez hain garratza. Jatorrian, esne-gain gordina frantziar espezialitate bat zen, baina gaur egun Europa osoan zehar hedatuta dago eta bertako sukaldaritzetan oso erabilia da: adibidez, supermerkatu gehienetan potoetan salgai dago. Laktosari intolerantzia dioten pertsonentzat laktosa kopuru txikiagoak dituzten barietate komertzial bereziak daude.

Esne-gain gordin
fermented milk product (en) Itzuli eta esneki
Osagaiakesne-gain likidoa
Historia
JatorriaFrantzia

Elaborazioa

Esne-gain gordina pasteurizatu gabeko esne-gainan lactobacillus kultiboak gehituz lortzen da, bakterio horiek esne-gain garratza eta gantzatsua izan arte garatzen utziz. 18 eta 40 ordu bitartean 20 eta 40 °C arteko tenperatura behar dute bakterioek esnearen azukrea azido bihurtzeko. Jarraian, eta prozesua amaitzeko, esne-gaina pasteurizatu egiten da. Horregatik, ezin da pasteurizatutako krema batetik abiatuta egin: esne-gain horretan, bakterio faltak usteltzea eragingo luke, ozpinarekin garraztu beharrean.

Erabilerak

Orokorrean, esne-gain gordina, esne-gain garratza bezala, plater gehienetan erabiltzen da, baina lehenak bi abantaila ditu, ordea: esne-gain garratz bihur daiteke eta ez da irakitean mintzen. Esne-gain gordina barietate likidoago batean ere badago, esne-gain mehe deritzona. Merkatuan badaude aldaerak zenbait osagairekin, baratxuria eta usain belarrak horien artean. Gehienetan, zopak eta pureak egiteko erabiltzen da.

Aholkuak

Esne-gain gordina izan ezean, nahikoa da ozpin koilarakada bat jartzea gutxi gorabehera bi katilu esne-gainetan, eta guztia ondo nahastu. Esne-gain gordinaren ordezko gisan erabat balio dezake. Esne-gaina harrotuz eta ondoren limoi ura gehituz eta ondo nahastuz ere egin daiteke.

Erreferentziak
  1. Nola erran hiztegia

Ikus, gainera

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.