Eskintza
Eskintza, Nafarroa probintzian topa dezakegun euskal mendia da. 500 metroko aldeaz bananduta dauden bi gainek osatzen dute mendi honen gailurra, gora-behera handirik gabe, eta bietan dago jarria erpin geodesikoa, nahiz eta ekialdekoa metro batzuk garaiagoa izan. Ekialdeko gain zabalean, erpin geodesikoaz gain, bada ermita eta aterpe txukuna gordetzen dituen eraikin bat, otordutarako mahai ugariz inguratua. Mendebaldeko gainean lurrean sakondutako aterpe zatar bat dago, ehizarako egokitutako lubaki baten aldamenean. Pista zabal bat heltzen da gain alderaino eta kotxe arruntek erabiltzeko modukoa da. Oinez igotzeko ere pista hori bera baliatzea da errazena, bidez kanpo sastraka baita nagusi gehienean.
| Eskintza | |
|---|---|
| Datu orokorrak | |
| Garaiera | 739 m |
| Mota | mendi |
| Geografia | |
 | |
| Koordenatuak | 42°39′07″N 1°55′08″W |
| Herrialdea |  Euskal Herria |
| Foru erkidego |  Nafarroa Garaia |
Erreferentziak
Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.