Eskandinavia
Eskandinavia[1] (danieraz eta suedieraz Skandinavien; norvegieraz Skandinavia) Europako iparraldean dagoen hizkuntza eta kultura arloko eskualdea da, Norvegia, Suedia eta Danimarka herrialdeek osatua. Batzuetan, definizio zabalago bat hartuta, Finlandia eta Faroeak ere Eskandinaviako kidetzat hartzen dira.
Eskandinavia osatzen duten hiru monarkiak (Danimarka, Norvegia eta Suedia), definizio zorrotz eta ohikoenari jarraituz.
Zenbaitetan egiten den erabilera hedatua: Islandia eta Faroeak, hango biztanleak eskandinaviar etorkikoak baitira gehienbat; eta Finlandia, Suediarekin lotura estua izan duelako historian, eta eskandinaviar gutxiengo bat (suediarra, zehazki) duelako.
Era berean, Eskandinaviatik at daude baina harekin harreman estua dute beste lurralde hauek ere bai: Islandia, Groenlandia (Danimarka) eta Åland (Finlandia).
Hizkuntzak
Kulturaz Eskandinavia eratzen duten hizkuntzak (eskandinaviar hizkuntzak) hiru dira:
- Suediera: 10 bat milioi hiztun.
- Daniera: 6 bat milioi hiztun.
- Norvegiera: 5 bat milioi hiztun.
Gainera, Eskandinaviako bertako hizkuntza da laponiera edo samiera ere, nahiz eta eskandinaviar hizkuntza ez den. Guztira 20.000 hiztun ditu (Eskandinaviako hiru herrialdeetatik kanpokoak barne).
Erreferentziak
- Euskaltzaindia: 154. araua: Europako eskualde historiko-politiko nagusiak
Ikus, gainera
Kanpo estekak
- (Ingelesez) Norden Kontseiluaren webgunea
| Autoritate kontrola |
|---|
Datuak: Q21195
Multimedia: Scandinavia / Q21195
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.