Errepublikaren Kontseilu

Errepublikaren Kontseilua (katalanez "Consell per la República") 2018ko urrian aurkeztu zen Kataluniako erakunde pribatua da, Belgikako legearen arabera eratua, 2017ko urriaren 27an aldarrikatu zen Kataluniako Errepublika gauzatu nahi duena [1]. Carles Puigdemont da bere presidentea.

Nazioarteko aurkezpena 2018ko abenduaren 8an egin zuten Bruselan Puigdemontek berak, Quim Torrak, Toni Comínek, Clara Ponsatík, Lluis Puigek eta Meritxell Serretek [2]

Kataluniako independentziaren alde lan egiteaz gain, Kontseiluak eskubide zibil eta politikoen defentsa sustatzen du.

Erbesteko gobernu gisa jardungo du hein batean Kontseiluak, lan politikoa egingo baitu, baina beti Kataluniako Generalitateko gobernuarekin batera [1]. Presidenteaz gain, erakundeak 7 kide ditu, eta bere zereginen artean katalan errepublika berriaren konstituzioa idaztea dago.

Erreferentziak
  1. Zer da eta zer egiten du Katalan Errepublikarako Kontseiluak NAZIOGINTZA, 2017-12-27an
  2. Council for the Republic presented in Brussels Catalan News Agency. 2018-12-8an

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.