Errefrakzio

Errefrakzioaren legea edo Snell-en legeak honakoa dio:

1. Izpi errefraktatua, normala eta izpi erasotzailea plano berean daude.
2. Eraso-angeluaren sinuaren eta errefrakzio-angeluaren sinuaren arteko erlazioa konstantea da, eta uhin-higidurak bi inguruneetan dituen hedapen-abiaduraren arteko erlazioaren berdina. Kantitate konstante horri (n₁₂) bigarren ingurunean lehenengoarekiko duen errefrakzio-indize erlatiboa deritzo.

${\displaystyle {\frac {sin\theta _{1}}{sin\theta _{2}}}={\frac {v_{1}}{v_{2}}}=n_{12}}$

Errefrakzioaren legea Willebrord Snel van Royen "Snell" fisikari herbeheretarrak ondorioztatu zuen eta aurreko guztia kontuan izanik, legearen adierazpide aljebraikoa honela enuntzia dezakegu:

Prisma batek sakabanatutako argi izpi jarrai baten animazio eskematikoa. Izpi zuriak ikusgai diren uhin-luzera ugari adierazten du, horietatik 7 erakusten dira. Hutsean abiadura berdinarekin bidaiatzen baitute. Prismak argia moteldu egiten du eta horrek bere bidea makurtzen du errefrakzio prozesuaren bidez. Eragin hori indartsuagoa da uhin-luzera laburragoetan (mutur bioleta) uhin-luzera luzeagoetan (mutur gorria) baino, eta horrela osagaiak sakabanatzen dira. Prismatik irten ahala, osagai bakoitza jatorrizko abiadura berdinera itzultzen da eta berriro errefraktatzen da.

${\displaystyle n_{1}sin\theta _{1}=n_{2}sin\theta _{2}\,}$

non

• ${\displaystyle n_{1}}$: Lehenengo ingurunearen errefrakzio-indizea

• ${\displaystyle n_{2}}$: Bigarren ingurunearen errefrakzio-indizea

• ${\displaystyle \theta _{1}}$ (edo ${\displaystyle {\hat {e}})}$: Eraso-angelua

• ${\displaystyle \theta _{2}}$ (edo ${\displaystyle {\hat {r}})}$: Errefrakzio-angelua

• ${\displaystyle n}$ (orokorrean): ${\displaystyle n={\frac {c}{v}}}$.

Kasu berezi bat dago non errefrakzio-angelua 90º den eta normalarekiko perpendikularra irteten da izpi errefraktatua banaketa-gainazaletik justu-justu. Azken hau gertatzean eraso-angeluari (${\displaystyle \theta _{1}}$) muga-angelua deitzen zaio, eta balio hori gaindituz errefrakzioaren ordez, islapena gertatuko litzateke. Fenomeno honi islapen osoa ere deitzen zaio.

• Optika

• Animazioa (Ingelesez)