Erredura

Erredura
Deskribapena
Mota	traumatismoa; zantzu klinikoa
Espezialitatea	larrialdietako medikuntza
Tratamendua
Erabil daitezkeen botikak	benzocaine (en) , zilar sulfadiazina, Lidokaina, ferric subsulfate (en) eta Zilar nitrato
Identifikatzaileak
GNS-10	T20-T32
GNS-9	940 eta 949
DiseasesDB	1791
MedlinePlus	000030
eMedicine	000030
MeSH	D002056

Erredura bero-foku, eguzki irradiazio, substantzia kimiko, erradioaktibitate edo elektrizitatearen eragin zuzenagatik gertatzen den larruazaleko lesioa da. Larruazaleko asalduraz gain, kapilarren lesioa eta proteinen koagulazioa ere eragiten ditu erredurak. Erresumina erredurak larruazalean eragiten duen sentsazioa da.

Ohar medikoa

Oharra: Wikipediak ez du mediku aholkurik ematen. Tratamendua behar duzula uste baduzu, jo ezazu sendagilearengana.

Erredurak oso aldakorrak dira afektatutako ehun, larritasun eta bere ondorioz agertuko diren konplikazioen arabera. Lehen ondorioak lokalak edo tokikoak badira ere, garrantzitsuena eragin orokorra da, likido eta elektrolito galerak egongo baitira, infektatzeko arriskua, arnasa hartzeko zailtasunak eta heriotzara eraman dezakeen shocka.

Gainera, arazo psikologikoak ere sor ditzakete, erredurek utzitako orban eta deformazioen eraginez.

Erreduraren larritasuna bere hedadura eta sakontasunaren araberakoa izango da. Hedadura azalaren %20-tik gorakoa denean, hilgarria izan daiteke.

Sailkapena

Sakontasunaren arabera erredurak hiru mailatakoak izan daitezke:

Lehen mailako erredura. Epidermisaren azaleko zelulen lesioa dago. Lesio eritematoso eta hiperemikoak dira, babarik gabeak. Hiru edo lau egunetan sendatzen dira eta ez dute orbanik uzten.
Bigarren mailako erredura. Epidermi eta dermisaren azaleko zelulak eragiten ditu. Anpuluen eraketa emango da. Oso oinazekorra da, baina hiru astetan sendatuko da. Orban uzten du, azala depilatua eta izerdi guruinik gabe geratuko da.
Hirugarren mailako erredura. Larruazala erabat desegiten da. Kolore txuria edo marroia har dezake eta erretako zona erabat anestesiatuta geratuko da, sentikortasunik gabe.

Kanpo estekak

Datuak: Q170518
Multimedia: Burns / Q170518

Artikulu hau medikuntzari buruzko zirriborroa da. Wikipedia lagun dezakezu edukia osatuz.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.