Ernst Gombrich

Sir Ernst Hans Josef Gombrich (Viena, 1909ko martxoaren 30a - Londres, 2001eko azaroaren 3a) Austrian jaiotako arte-historialari bat izan zen, bere bizitza profesionalaren zatirik handiena Erresuma Batuan igaro zuena. Artearen kritikari eta artearen historiari buruzko liburu askoren egilea izan zen; besteak beste, The Story of Art, izugarrizko zabalkundea eta ospea lortutako liburua, eta arte bisualen berri emateko sarrera-liburu ulergarrienetakotzat hartua.[1]

Ernst Gombrich
Irudi gehiago
Bizitza
Jaiotzako izen-deiturak	Ernst Hans Josef Gombrich
Jaiotza	Viena, 1909ko martxoaren 30a
Herrialdea	Austria  Erresuma Batua  (1947 -
Heriotza	Londres, 2001eko azaroaren 3a (92 urte)
Familia
Seme-alabak	ikusi Richard Gombrich (en)
Anai-arrebak	ikusi Dea Forsdyke (en)
Hezkuntza
Heziketa	Vienako Unibertsitatea Theresianum (en)
Hizkuntzak	ingelesa
Jarduerak
Jarduerak	arte-historialaria, idazlea, katedraduna, aesthetician (en) eta historialaria
Lantokia(k)	Viena eta Londres
Enplegatzailea(k)	Londresko Unibertsitatea Vienako Unibertsitatea Warburg Institute (en)
Jasotako sariak	ikusi Arteetan eta Zientziatan Merituaren Ordena Britainiar Inperioko Ordenaren komendadorea Erasmo saria  (1975) Balzan Prize  (1985) Goethe Saria  (1994) Hegel Prize  (1976) honorary doctor of the University of Vienna  (1992) Prize of the City of Vienna for the Humanities  (1986) Fellow of the British Academy Austrian Decoration for Science and Art  (1984) Leverhulme Medal  (2002) Madrilgo Complutense Unibertsitateko honoris causa doktoregoa  (1992) Knight Bachelor Goethe domina  (1989)
Kidetza	Suediako Zientzien Errege Akademia Britainiar Akademia Arteen eta Zientzien Ameriketako Estatu Batuetako Akademia Zientzien Bavariar Akademia Arteen eta Zientzien Herbehereetako Errege Akademia Accademia delle Scienze di Torino

Gombrich-en lehenbiziko liburua, eta ingelesez idatzi ez zuen bakarra, Eine kurze Weltgeschichte für junge Leser (Munduaren historia laburra irakurle gazteentzat)izan zen, Alemanian 1936an argitaratua.

The Story of Art, lehenbizikoz 1950ean argitaratua eta gaur egun ingelesezko 16. edizioan dagoena, irakurle nerabeei zuzenduta zegoen, baina bere azalpenen argitasun eta ulergarritasunarengatik, artea eta bere historia ulertzeko bidean lehenengo urratsak eman nahi dituzten adin guztietako irakurleek erositako klasiko bat bihurtu da. Hogeita hamar hizkuntza baino gehiagotara itzulita dago. Aipagarria eta deigarria da jatorrizko ingelesean aukeraturiko hitza "story" dela, eta ez "history"; hala ere, beste hizkuntza batzuetara eginiko itzulpenetan "historia" hitza aukeratu izan da izenbururako.

Autore honen beste argitalpen garrantzitsu batzuk honakoak dira: Art and Illusion (1960), zeina kritikoen ustez Gombrich-en lanik eragingarriena eta irismenik handienekoa baita; Meditations on a Hobby Horse (1963), The Image and the Eye (1981), Aby Warburg: An Intellectual Biography (1970), The Sense of Order (1979) eta The Preference for the Primitive (egilearen heriotzaren ondoren argitaratua, 2002an). Bere argitalpenen zerrenda osoa, E.H. Gombrich: A Bibliography, Joseph Burney Trapp-ek argitaratu zuen, 2000n.