Ernesto Samper

Ernesto Samper Pizano (Bogota, Kolonbia, 1950eko abuztuaren 3a) kolonbiar politikaria da. Errepublikako lehendakaria izan zen 1994tik 1998ra bitartean.

Ernesto Samper

17. Lerrokatu Gabeko Mugimenduko idazkari nagusi

1995eko urriaren 18a - 1998ko abuztuaren 7a
← Suharto - Andrés Pastrana Arango (en) Itzuli →

29. Kolonbiako presidentea

1994ko abuztuaren 7a - 1998ko abuztuaren 7a
← César Gaviria - Andrés Pastrana Arango (en) Itzuli →
ambassador of Colombia (en) Itzuli

Bizitza
JaiotzaBogota, 1950eko abuztuaren 3a (73 urte)
Herrialdea Kolonbia
Familia
AitaAndrés Samper Gnecco
Ezkontidea(k)Jacquin Strouss Lucena (en) Itzuli  (1979ko ekainaren 16a -
Seme-alabak
Anai-arrebak
Hezkuntza
HeziketaPontifize Unibertsitate Xabiertarra
Hizkuntzakgaztelania
Jarduerak
Jarduerakdiplomazialaria, abokatua, ekonomialaria eta politikaria
IMDB: nm0760064 Edit the value on Wikidata

Biografia

Ekonomiako lizentziadun egin zen 1972an, eta zuzenbidekoa 1973an. Graduatu ondorengo ikasketak Columbiako Unibertsitatean (New York) egin zituen, 1979an. Bogotako Unibertsitatean bilakaera ekonomikoko irakasle izan zen (1974-1989). 1982an Alderdi Liberaleko idazkari nagusi izendatu zuten, eta handik bi urtera, Cundinamarca barrutiko diputatu izan zen. Aldi berean, Bogotako zinegotzi ere izan zen.

1987an Alderdi Liberaleko presidente hautatu zuten, eta handik bi urtera, atentatu bat izan zuen. Samperren hautagai-zerrenda galtzaile irten zen bere alderdi bereko César Gaviriarenaren aurrean. Dena dela, presidente berriak Ekonomiaren Bilakaerarako ministro hautatu zuen. Hala ere, hurrengo urtean, kargua utzi, eta Espainiako enbaxadore izendatu zuten (1991-1993).

1993an Errepublikako lehendakari izateko hautagai izan zen, eta irabazi egin zituen hauteskundeak, Andrés Pastrana kontserbadoreari aurrea harturik. Azken horrek Samper salatu zuen, Caliko narkotrafikatzaile-taldearen eskutik dirua hartu izanaz. Salaketa ugari eta Errepublikako fiskal orokorraren ikerketak egon ziren, eta 8.000 auzia esan zena hasi zen. Auzi horren ondorioz, hainbat parlamentario eta politikarik zigorrak izan zituzten. Samperrek Caliko narkotrafikatzaileen buruak atxilotzea lortu zuen. Konstituzioaren erreforma bultzatu zuen, eta Kongresuak onartzea lortu zuen 1997an. Samperren agintaldian Kolonbiak krisi instituzional larrienetako bat jasan zuen. Gerrillen boterea indartu egin zen, eta baita paramilitarrena ere, milaka familiak bere lurrak utzi behar izan zituzten.

1998ko hauteskundeetan Andrés Pastrana kontserbadoreak hartu zuen presidente-kargua.

Erreferentziak
Wikimedia Commonsen badira fitxategi gehiago, gai hau dutenak: Ernesto Samper Aldatu lotura Wikidatan
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.