Ernest Burgess

Ernest Watson Burgess (Tilbury, Ontario, Kanada, 1886ko maiatzaren 16a - 1966ko abenduaren 27a) jatorri kanadarreko Estatu Batuetako hiri soziologoa izan zen. Chicagoko Soziologia Eskolako kide izan zen.

Ernest Burgess
President of the American Sociological Association (en) Itzuli

1934 - 1934
Bizitza
JaiotzaTilbury (en) Itzuli, 1886ko maiatzaren 16a
Herrialdea Kanada
 Ameriketako Estatu Batuak
HeriotzaChicago, 1966ko abenduaren 27a (80 urte)
Hezkuntza
HeziketaChicagoko Unibertsitatea 1913) Doktoretza
Kingfisher College (en) Itzuli 1908) gradu
Tesi zuzendariaAlbion Woodbury Small (en) Itzuli
Doktorego ikaslea(k)Albert J. Reiss
Jarduerak
Jardueraksoziologoa, kriminologoa eta irakaslea
Enplegatzailea(k)Chicagoko Unibertsitatea
University of Kansas (en) Itzuli
KidetzaZientziak Aurrera Egiteko Elkarte Amerikarra

Kanadan jaio arren, oso gazte zelarik joan zen Estatu Batuetara. Oklahomako Kingfisher Collegen ikasi zuen lehenik, eta ondoren, bere soziologia ikasketak Chicagoko Unibertsitatean burutu zituen. Azken unibertsitate honetako irakasle bezala arituko da 1916tik aurrera.

Garaiko soziologoen artean aintzatespen handia zuen eta Amerikako Soziologia Elkarteko (American Sociological Association, ASA) 24. lehendakaria izan zen.

Ikerketak

Soziologia modernoaren sortzailetako bat kontsideratzen da, batez ere Estatu Batuetan. Robert E. Park-ekin batera "ekologia soziala" sortzen du, Chicagoko Soziologia Eskolaren babespean.

Interesa handia jarri zuen aldagai estatistikoetan oinarritutako giza portaera aurreikusteko aukeran. Hala, 1929tik aurrera Illinois estatuko baldintzapeko askatasunaren "arrakasta tasa" ikertua zuen. "Burgess metodoa" ospetsu bilakatuko da segituan eta Illinoiseko espetxe sistemak bere gain hartu zuen.

Zentzu honetan, 1939an, ezkontzaren arrakasta baldintzatzen zuten faktoreak ikertzen zituen lan bat publikatu zuen: Predicting Success or Failure in Marriage (Ezkontzaren arrakasta ala porrotaren aurreikuspena). Leonard Cottrell-ekin batera idatzi zuen eta hainbat eztabaida sortu zuen ikerketaren agerpenak, besteak beste, aurreikuspen kalkulua egiterakoan ez zuelako inondik inora kontuan hartzen maitasun sentimendua.

Gune kontzentrikoen eredua
Burgessen gune kontzentrikoen eredua

Robert E. Park-ekin batera, hiria bost gune kontzentrikoen arabera azaldu eta kontzeptualizatu zuen (Concentric ring model)[1]:

  1. Merkatal distritu nagusi bat erdialdean
  2. Eraikin zaharrez inguraturiko trantsizio gunea (etxebizitzak, industriak...)
  3. Langileen bizitegi zonaldea (apartamentuak)
  4. Bizitegi-auzoen zonaldea
  5. Kanpoaldeko aldiriak

Hiria, eboluzioan eta etengabe aldatzen zegoen zerbaiten moduan aztertu zuen, zentzu darwinistan.

Lanak
  • Ernest W. Burgess, Robert E. Park: Introduction to Science of the Sociology. 1921, ISBN 0-8371-2356-9 (Internet Archive).
  • Ernest W. Burgess, Robert E. Park , Roderick D. McKenzie (Hrsg.): The City. University of Chicago Press, Chicago 1925, ISBN 0-226-64611-4.

Ikus, gainera

Erreferentziak
  1. Horton, Paul B., eta Hunt, Chester L. (1994): Soziologia, Leioa: UPV/EHU. 398.or.

Kanpo loturak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.