Erich Fried

Erich Fried (Viena, 1921eko maiatzaren 6a - Baden-Baden, 1988ko azaroaren 22a) alemaniar idazlea izan zen, austriarra jatorriz.

Erich Fried
Irudi gehiago
Bizitza
Jaiotza	Viena, 1921eko maiatzaren 6a
Herrialdea	Austria  Erresuma Batua  (1949 -  1982)
Heriotza	Baden-Baden, 1988ko azaroaren 22a (67 urte)
Hobiratze lekua	Kensal Greengo hilerria
Familia
Ezkontidea(k)	Catherine Boswell Fried
Hezkuntza
Hizkuntzak	alemana
Irakaslea(k)	Otto Spranger (en)
Jarduerak
Jarduerak	idazlea, itzultzailea, poeta eta saiakeragilea
Jasotako sariak	ikusi Georg Büchner saria  (1987) Grand Decoration of Honour in Gold for services to the State of Vienna  (1985) Literaturpreis der Stadt Bremen  (1983) Carl-von-Ossietzky-Medaille  (1986) Österreichischer Kunstpreis für Literatur  (1972) City of Vienna Literature Prize  (1980)
Kidetza	Alemaniako hizkuntza eta literatura akademia
Genero artistikoa	olerkigintza saiakera
Sinesmenak eta ideologia
Erlijioa	ateismoa

Familia judu batean sortu zen, eta naziek Austria anexionatu eta aita hil ondoren, Londresa emigratu zuen amarekin, 1938 urtean. Londresen hainbat lanbidetan jardun zuen, eta 1952an BBC etxeko programazio alemaneko erredaktore gisa hasi zen lanean. 1968. urtean utzi zuen lanbide hura, eta literaturan murgildu zen, buru-belarri. Haurtzaroko gertaerek berebiziko eragina izan zuten Frieden literatura-lanetan; izan ere, etxearen galera da bere obran etengabe agertzen den gaietako bat, behartsuenekin eta ahulenekin bat egin zuen beti, eta giza eskubideen aldezle sutsua izan zen. Dena dela, obra politikoez eta protestakoez gainera, maitasunari eta izadiari buruzko lanak ere eman zituen argitara, eta sekula ez zuen onartu artea helburu politikoetarako erabiltzeko joera. Deutschland (1944, Alemania) izan zen bere lehen olerki-bilduma; joera espresionista eta geroagoko idatzietan nabarmendu ziren ezaugarri estilistiko eta linguistikoak agertzen dira lan horretan (hitz-jokoak, joko fonetikoak eta abar). Lan haren ondoren argitaratu zituen Warngedichten (1964, Ohartarazteko olerkiak), und Vietnam und (1966, eta Vietnam eta) eta Höre, Israel! (1974, Entzun, Israel!), bere konpromiso politikoa agerian uzten dutenak. Olerki-bildumez gainera, aipatzekoak ditu Ein Soldat und ein Mächen (1960, Soldadua eta neska) eleberria, opera baterako testua, kontakizun labur batzuk, irratirako gidoiak, eta hainbat idazleren obren itzulpenak (W. Shakespeare, T.S. Eliot, D. Thomas).