Erdialdeko Afrika

Erdialdeko Afrika kontinente horretako erdiko aldean dauden herrialdeek osatzen duten eskualde handia da.

Erdialdeko Afrika: Berde ilunaz NBEren arabera, berde argiaz eskualdeko beste herrialde batzuk.

Alfabetikoki ordenatuta, 11 herrialde hauek osatzen dituzte eskualde hau:

  1.  Afrika Erdiko Errepublika
  2.  Angola*
  3.  Burundi**
  4.  Ekuatore Ginea
  5.  Gabon
  6.  Kamerun
  7.  Kongoko Errepublika
  8.  Kongoko Errepublika Demokratikoa
  9.  Ruanda**
  10.  Txad
  11.  Sao Tome eta Principe

Hala ere, izartxoaz (*) markatutako herrialdea Hegoaldeko Afrikako lurraldetzat eta bi izartxoezkoak (**) Ekialdeko Afrikakotzat ere hartzen dituzte bestelako irizpideei jarraituz.

Geografia

Geografikoki, alde batetik Sahararen azpiko lurraldean kokatuta daude herrialde hauek, eta bestetik eskualde hau Gineako golkoaren ekialdean hedatzen da. Bestela, Afrikako Laku Handiak izeneko lurraldea eskualdearen ekialdean dugu.

Azkenik, afrikar ibai handiena den Kongo ibaiak lurraldea zeharkatzen du bere ibilbide osoan.

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.