Equus

Equus Equidae familiako ugaztun perisodaktilo genero bat da. Zaldiak, astoak, onagroak eta zebrak genero honetakoak dira. Bere familian bizirik dagoen genero bakarra da, baina, historian zehar, beste genero batzuk ere izan dira. Izena latinetik dator, eta "zaldi" esan nahi du. Era berean grezierako "ἴκκος" (ikkos) hitzetik dator, hau ere, "zaldi".

Equus
Zaldiak Bianditzen Irudi gehiago
Sailkapen zientifikoa
Erreinua	Animalia
Filuma	Chordata
Klasea	Mammalia
Ordena	Perissodactyla
Familia	Equidae
Subfamilia	Equinae
Generoa	Equus Linnaeus, 1758
Azpibanaketa
Equus africanus Equus ferus Equus grevyi Equus hemionus Equus quagga Equus zebra

Animalia lirainak dira, hanka luzeekin eta behatz bakar batekin. Hirugarren behatzaren (edo zentrukoaren) luzapen eta garapenetik sortu da, beste guztiak desagertu direlarik edo, gehienez ere, txiki mantentzen direlarik. Behatz horren inguruan azkazal handi bat hazten da.