Enrique V. Iglesias

Enrique Valentín Iglesias García (Arancedo, El Franco, Asturias, 1930eko martxoaren 29a) uruguaitar ekonomista eta politikaria, espainiarra jatorriz. 1934an alde egin zuen Uruguaira. 1953an lizentziatu zen ekonomia zientzietan eta administrazioan Errepublikako Unibertsitatean, eta gero Estatu Batuetan eta Frantzian osatu zituen ikasketak. Errepublikako Unibertsitatean garapen ekonomikoko irakasle eta unibertsitate bereko Ekonomia Institutuaren zuzendari izan zen. 1964-1967 bitartean hainbat kargu izan zituen nazioarteko zenbait erakundetan, esate baterako, Saleroste Askerako Hegoameriketako Elkartean (ALALC) eta Aurrerabiderako Itunean. Uruguaiko Banku Zentralaren zuzendari izan zen (1967-1968) eta Nazio Batuetako Erakundeak (NBE) bultzatutako Latinoamerikarako garapen programa zenbaitetan parte hartu zuen. Hirugarren Munduaren Foroaren sortzaile eta lehendakari (1973-1976) eta Latinoamerikarako eta Kariberako Batzorde Ekonomikoaren idazkari izan zen 1972tik 1985era. Urte horretan Julio María Sanguinetti presidentearen gobernuan sartu zen Kanpo Arazoetako ministro gisa (1985-1988). 1988an Antonio Ortiz Menaren ordez hartu zuen Garapenerako Amerikarren arteko Bankuaren lehendakari kargua, eta 1993an beste bost urterako aukeratu zuten kargu berean jarraitzeko. Lankidetzaren Asturias Printzea saria jaso zuen 1982an.

Enrique V. Iglesias
Irudi gehiago
Ibero-American Secretary-General (en) 2005eko urriaren 1a - 2014ko apirilaren 1a - Rebeca Grynspan (en) → President of the Inter-American Development Bank (en) 1988 - 2005 ← Antonio Ortiz Mena (en) - Luis Alberto Moreno (en) → Minister of Foreign Affairs (en) 1985eko martxoaren 1a - 1988ko otsailaren 22a - Luis Barrios Tassano (en) →
Bizitza
Jaiotza	Arancedo (en) , 1930eko martxoaren 29a (93 urte)
Herrialdea	Espainia  Uruguai
Hezkuntza
Heziketa	Errepublikaren Unibertsitatea
Hezkuntza-maila	doktoretza
Hizkuntzak	gaztelania ingelesa
Jarduerak
Jarduerak	ekonomialaria, diplomazialaria eta politikaria
Parte-hartzailea World Economic Forum Annual Meeting 2014 (en) World Economic Forum Annual Meeting 2004 (en)
Jasotako sariak	ikusi Elisabet Katolikoaren Ordenaren Gurutze Handia  (1987) collar of the Order of the Golden Fleece  (2014) Nazioarteko lankidetzaren Asturiasko Printzesa Saria  (1982) Juan Lladó Saria Ohorezko Legioko ofizial handia honorary doctorate of the University of La Coruña honorary doctorate of the University of Alcala  (2012) honorary doctorate of the University of Las Palmas, Gran Canaria  (2005) Medalla Delmira Agustini Alas Award
Kidetza	Erromako Kluba
Sinesmenak eta ideologia
Alderdi politikoa	Alderdi Nazionala (Uruguai)