Enrique Díez Canedo

Enrique Díez Canedo (Badajoz, 1879ko urtarrilaren 7a - Mexiko, 1944ko ekainaren 7a) espainiar idazle eta itzultzailea zen.

Enrique Díez Canedo
Irudi gehiago
Espainiako enbaxadorea Argentinan ambassador of Spain to Uruguay (en)
Bizitza
Jaiotza	Badajoz, 1879ko urtarrilaren 7a
Herrialdea	Espainia
Heriotza	Mexiko Hiria, 1944ko ekainaren 7a (65 urte)
Familia
Seme-alabak	ikusi Joaquín Díez-Canedo Manteca (en)
Hezkuntza
Hizkuntzak	alemana gaztelania frantsesa portugesa italiera katalana
Jarduerak
Jarduerak	poeta, diplomazialaria, idazlea, itzultzailea, literatura-kritikaria eta irakaslea
Kidetza	Real Academia Española
Genero artistikoa	olerkigintza saiakera

Gurasoak hil zitzaizkionean, Madrilera joan zen, eta han Zuzenbideko ikasketak egin zituen. Gero, Arte eta Ofizioetako eskolan artearen historia irakatsi zuen; eta Hizkuntza Eskolan hizkuntza eta literatura frantsesa irakatsi zituen. Garaiko hainbat aldizkari eta egunkaritan kolaboratu zuen. Manuel Azañaren laguna izan zen.

Beste askoren artean, Heinrich Heine, Francis Jammes, Michel de Montaigne, John Webster, H. G. Wells, Eugenio d'Ors, Walt Whitman eta Paul Verlaine idazleen lanak itzuli zituen; horietako batzuk La poesía francesa moderna (1913, Frantziako poesia modernoa) bilduman. Arte- eta literatura-kritikaria izan zen, batez ere. Haren lan aipagarri batzuk: Los dioses del Prado (1931, Pradoko jainkoak); El teatro y sus enemigos (1939, Antzerkia eta bere etsaiak); Conversaciones literarias (1921, Literatura Elkarrizketak) idazkiak; eta Versos de las horas (1906, Orduen bertsoak); La sombra del ensueño (1910, Ameskeriaren itzala); eta Epigramas americanos (1928, Ameriketako epigramak) poema-liburuak.