Eneko Goia

Eneko Goia
	; (2016) Irudi gehiago
; Donostiako alkate
; Eusko Legebiltzarkidea
Bizitza
Jaiotza	Donostia, 1971ko urriaren 30a (52 urte)
Herrialdea	Gipuzkoa, Euskal Herria
Bizilekua	Donostia
Hezkuntza
Heziketa	Deustuko Unibertsitatea diplomatura : Europar Batasuneko Zuzenbidea; Euskal Herriko Unibertsitatea ; (1989 - 1993) lizentzia : zuzenbide
Hizkuntzak	gaztelania; euskara
Jarduerak
Jarduerak	politikaria, legelaria eta irakaslea
Lantokia(k)	Donostia
Sinesmenak eta ideologia
Alderdi politikoa	Eusko Alderdi Jeltzalea
	enekogoia.eus

Eneko Goia Laso (Donostia, Gipuzkoa, 1971ko urriaren 30a) politikaria da, jelkidea, Zuzenbidean lizentziaduna. 2015. urteaz geroztik, Donostiako alkatea. VIII. legegintzaldian, EAJko eusko legebiltzarkidea izan zen. EAJ alderdiaren baitan, Gipuzkoako burukidea da.

Bizitza

Eneko Goia Donostiako Amara auzoan jaio zen 1971ko urriaren 30ean. Ikasketak Ikasbide Ikastolan eta Barandiaran Lizeoan egin zituen. Zuzenbide lizentziatura Euskal Herriko Unibertsitatean burutu zuen eta ondoren Europar Batasuneko Zuzenbidean diplomatu zen Deustuko Unibertsitatean.

Ibilbide politikoa

Eneko Goia 1989an hasi zen politikan, 18 urte zituela, EAJren Euzko Gaztedi gazte erakundeko kide egin zenean. 2005eko apirileko hauteskundeetan Eusko Legebiltzarreko Gipuzkoako parlamentari hautatu zuten. Bitartean, EAJko Gipuzko Buru Batzarrako burukide ere izendatu zuten. 2007-2011 bitartean, Gipuzkoako Foru Aldundiko Bide Azpiegituretako Diputatu eta Donostiako Udaleko zinegotzi 2011tik 2015era. Lau urte horretan, Donostiako orduko alkate Juan Karlos Izagirreren (Bildu) aurka oposizio gogorra egin zuen, PSEren laguntzarekin. 2015eko Hego Euskal Herriko udal eta foru hauteskundeetan, 29.029 boto eta 9 zinegotzirekin, berak zuzendutako EAJko zerrendak eskuratu zuen boto gehien Donostian, eta, 2015eko ekainaren 13an, Donostiako alkate aukeratu eta izendatu zuten.[1]

Idazlanak

Bestelako Donostia: hiri hobetzeko ideiak eta proiektuak. 2015

Erreferentziak

«Eneko Goia, Donostiako alkate berria», EITB.eus.

Datuak: Q12256843
Multimedia: Eneko Goia Laso / Q12256843

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] «Eneko Goia, Donostiako alkate berria», EITB.eus.