Endika Guarrotxena
Endika Guarrotxena Artzubiaga (Bilbo, 1961eko urriaren 26a) bizkaitar futbolari ohi eta entrenatzailea da, Athletic Clubean aurrelari moduan aritutakoa.[1] Iker Guarrotxena futbolariaren osaba da.[2]
| Endika Guarrotxena | |||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Bizitza | |||||||||||||||||||||||||||||||||||||||||||||||
| Jaiotzako izen-deiturak | Endika Guarrotxena Artzubiaga | ||||||||||||||||||||||||||||||||||||||||||||||
| Jaiotza | Bilbo, 1961eko urriaren 26a (62 urte) | ||||||||||||||||||||||||||||||||||||||||||||||
| Herrialdea |  Bizkaia, Euskal Herria | ||||||||||||||||||||||||||||||||||||||||||||||
| Familia | |||||||||||||||||||||||||||||||||||||||||||||||
| Familia | ikusi
| ||||||||||||||||||||||||||||||||||||||||||||||
| Hezkuntza | |||||||||||||||||||||||||||||||||||||||||||||||
| Hizkuntzak | gaztelania | ||||||||||||||||||||||||||||||||||||||||||||||
| Jarduerak | |||||||||||||||||||||||||||||||||||||||||||||||
| Jarduerak | futbolaria | ||||||||||||||||||||||||||||||||||||||||||||||
| |||||||||||||||||||||||||||||||||||||||||||||||
| Posizio edo espezialitatea | aurrelaria | ||||||||||||||||||||||||||||||||||||||||||||||
_with_the_second_stripe_thicker_than_the_other_ones.svg.png.webp){kind=small}
Biografia
Lezamako harrobian futbolari bezala trebatu zen, Bilbao Athleticen denboraldi batzuk emanez. 1980ko azaroaren 30ean Lehen Mailan debuta egin zuen, gola sartuz, Errealaren aurkako 4 eta 1 porrotean. 1981eko apirilaren 19an sartu zuen garaipenaren gola, 89. minutuan, Camp Noun, Bartzelonarenaurka (0-1). Lehen taldean jarraitutasunik ez zuenez, denboraldi bat eman zuen AD Ceutan utzita.
1983-84 denboraldiari begira itzuli zen taldera. Azaroaren 30ean Bartzelonaren aurkako garaipenean golegile bakarra izan zen Camp Noun, Espainiako Superkopako partidan, baina ez zuen titulua irabazteko balio izan. Maiatzaren 5ean Athletici 1984ko Errege Kopa eman zion golaren egilea izan zen. Gol horrekin, Bilboko taldeak Liga eta Kopa irabazi zituen.[3][4]
1987ra arte egon zen Athleticen, hau da, Real Valladolidek fitxatu zuen arte. Hurrengo urtean RCD Mallorcarekin bat egin zuen, Lehen Mailara igotzea lortuz. Profesional bezalako azken bi denboraldiak Bigarren B Mailan eman zituen, Alacant probintziako bi talderentzat jokatuz, Hércules CF eta Benidorm CF hain zuzen ere. Bere kirol ibilbidean zehar, Lehen Mailako 138 partida jokatu zituen, 18 gol sartuz.
Erretiratu ondoren, entrenatzailea izan zen. Bere lorpenik handiena 2012an Getxo KK Hirugarren Mailara igotzea izan zen.[5]
1981ean 19tik beherako Espainiako internazionala izan zen, lau aldiz. 1984an, finala jokatu zuen, 21 urtez azpiko espainiar selekzioak Ingalaterraren aurka galdu zuelarik.
Ibilbidea
| Kluba | Denboraldia |
|---|---|
| Bilbao Athletic | 1979 – 1981 |
| Athletic Club | 1980 – 1982 |
| AD Ceuta | 1982 – 1983 |
| Athletic Club | 1983 – 1987 |
| Real Valladolid CF | 1987 – 1988 |
| RCD Mallorca | 1988 – 1989 |
| Hércules CF | 1989 – 1990 |
| Benidorm CF | 1990 – 1991 |
Palmares
| Txapelketa | Kluba | Urtea |
|---|---|---|
| Liga | Athletic Club | 1983-84 |
| Errege Kopa | Athletic Club | 1984 |
| Espainiako Superkopa | Athletic Club | 1984 |
Erreferentziak
- www.bdfutbol.com
- (Gaztelaniaz) «Qué fue de....» El Correo 2009-05-13.
- (Gaztelaniaz) «El gol más recordado del Athletic al Barcelona» Kaiser Football.
- (Gaztelaniaz) «De aquel gol de Endika en 1984...» Gara 2015-05-28.
- (Gaztelaniaz) «El Getxo ya es de Tercera» El Correo.
