Emmanuel Macron

Emmanuel Macron (Amiens, 1977ko abenduaren 21a) frantses politikaria eta Frantziako presidentea da. Garai batean, goi funtzionarioa eta finantza bankaria izan zen.

Emmanuel Macron
(2022) Irudi gehiago
Frantziako Errepublikako presidente 2017ko maiatzaren 14a - ← François Hollande Hautetsia: 2017ko Frantziako Hauteskunde Presidentzialak Andorrako Printzekide Frantsesa 2017ko maiatzaren 14a - ← François Hollande 1. Renaissanceko lehendakari 2016ko apirilaren 6a - 2017ko maiatzaren 8a ← baliorik ez - Catherine Barbaroux → Ekonomia, Industria eta Arlo Digitalaren Ministroa 2014ko abuztuaren 26a - 2016ko abuztuaren 30a ← Arnaud Montebourg - Michel Sapin → Frantses Errepublikaren Lehendakaritzako Idazkari Orokor Laguntzailea 2012ko maiatzaren 15a - 2014ko uztailaren 15a ← Jean Castex - Laurence Boone →
Bizitza
Jaiotzako izen-deiturak	Emmanuel Jean-Michel Frédéric Macron
Jaiotza	Amiens, 1977ko abenduaren 21a (46 urte)
Herrialdea	Frantzia
Bizilekua	Eliseo jauregia
Lehen hizkuntza	frantsesa
Familia
Aita	Jean-Michel Macron
Ama	Françoise Noguès
Ezkontidea(k)	Brigitte Macron  (2007ko urriaren 20a -
Anai-arrebak	ikusi Estelle Macron Laurent Macron
Familia	ikusi Laurence Auzière-Jourdan (alabaorde) Sébastien Auzière (semeorde) Tiphaine Auzière (alabaorde)
Hezkuntza
Heziketa	La Providence Paris Nanterre Unibertsitatea Henrike IV.a lizeoa Parisko Ikasketa Politikoetako Institutua École nationale d'administration (2002 - 2004)
Hizkuntzak	frantsesa ingelesa
Jarduerak
Jarduerak	inbertsio bankaria, estatu-politikaria, goi-funtzionarioa eta politikaria
Parte-hartzailea 2014 Bilderberg Conference World Economic Forum Annual Meeting 2013 (en) World Economic Forum Annual Meeting 2016 (en) World Economic Forum Annual Meeting 2018 (en)
Altuera	1,73 metro
Enplegatzailea(k)	Rothschild & Cie  (2008 -  2012)
Jasotako sariak	ikusi Ohorezko Legioko gurutze handia  (2017ko maiatzaren 14a) Grand Cross of the National Order of Merit  (2017ko maiatzaren 14a) Karlomagno Saria  (2018ko maiatzaren 10a) Concours général  (1994) Grand Officer of the Order of the Southern Cross  (2012) Britainiar Inperioko Ordenaren komendadorea  (2014) Grand Cross of the Order of the Redeemer  (2017) Grand Cross of the National Order of the Lion  (2018) Grand Cross with Collar of the Order of the White Rose of Finland  (2018) Knight of the Order of the Elephant  (2018ko abuztuaren 28a) Time 100  (2018) Knight of the Seraphim  (2024ko urtarrilaren 30a)
Kidetza	Frantziako Hazkundea Askatzeko Batzordea Fundazio Frantses-Estatubatuarra
Sinesmenak eta ideologia
Erlijioa	agnostizismoa
Alderdi politikoa	Renaissance Frantziako Alderdi Sozialista hautagai independente
en-marche.fr…

ENAn lortu zuen titulua 2004an eta finantza inspektore postua 2008an, finantza bankari ibilbideari ekin aurretik, Rothschild & Cie konpainian. Frantziako Alderdi Sozialistako kide 2006 eta 2009 bitarte, 2012an François Hollande lehendakariaren kabineteko idazkari orokorraren laguntzaile izendatu zuten. Ondoren, 2014an, Ekonomia, Industria eta arlo digitalaren ministro izendatu zuten Manuel Vallsen bigarren gobernuan.[1]

2016ko apirilean, En marche ! mugimendua sortu zuen (euskaraz, Martxan!) eta lau hilabete geroago, ministro izateari utzi. Azaroaren 16an, 2017ko hauteskunde presidentzialetarako bere burua hautagai aurkeztu zuen. 2017ko apirilaren 23ko hauteskunde presidentzialen lehen itzulian, bozkatuena izan zen, bozen % 23,4 erdietsita[2] eta maiatzaren 7ko bigarren itzulian, garaile atera zen Marine Le Penekin izandako lehian, botoen % 66,1 eskuratuta: 20 milioi pertsona. Ordurako adierazia zuen eutsi egingo ziola politika neoliberalari.[3] 2017ko maiatzaren 14an François Hollanderen lekukoa hartu eta inoizko Frantziako presidente gazteena bihurtu zen.[4]

Édouard Philippe izendatu zuen lehen ministro, Errepublikanoen (LR) kide, bere alderdiak (LREM) 2017ko hauteskunde legegileak irabazi ondoren. 2020an, Jean Castex izendatu zuen lehen ministro, Édouard Philippe ordezkatuz. Haren agintaldia hainbat neurri eta gertaerak markatu dute: lan-kodearen erreforma, SNCFren erreforma-legea, Benalla auzia, Jaka Horien mugimendua, erretreten erreforma proiektua, klima larrialdia, COVID-19 pandemia, eta Ukrainaren inbasioak sortutako krisia.

2022ko hauteskunde presidentzialetan berriz hautatua izateko aurkeztu zen, eta bigarren itzulian Marine Le Penen aurka lehiatu zen berriz ere. "Fronte Errepublikano" ahulago bati esker, apirilaren 24an hauteskundeak irabazi zituen, botoen % 58,55 eskuratuta; horren ondorioz, birritan hautatua izan den V. Errepublikako lehen presidentea da.