Emakume demonioa
Emakume demonioa (ingelesez A Hell of a Woman) Jim Thompson idazle estatubatuarrak idatzitako eleberri bat da. 1954an argitaratu zen.
| Emakume demonioa | |
|---|---|
| Datuak | |
| Idazlea | (1954) |
| Generoa | Eleberria |
| Jatorrizko izenburua | A Hell of a Woman |
| Hizkuntza | ingelesa |
| Herrialdea | AEB |
| Euskaraz | |
| Izenburua | Emakume demonioa |
| Itzultzailea | Idoia Gillenea |
| Argitaratze-data | 1994 |
| Orrialdeak | 224 |
| ISBN | 84-7917-433-1 |
Argumentua
Frank “Dolly” Dillon, lanbide ziztrinez lanbide ziztrin joaten den gizona, “Ordainerraz” almazenetan aritzen da orain, etxez etxeko saltzaile eta zordunei kobratzaile gisa. Bizitza kaskar horretan, zoritxarreko ezkontzak, alkohola eta indarkeria ere dauden horretan, emakume gazte bat agertzen da, zeina atso batekin bizi den eta berarengandik tratu txarrak jasotzen dituen. Gazte horrekin harreman berezi bat hasiko du Dillonek.
Pertsonaiak
- Frank “Dolly” Dillon: protagonista.
- Joyce: Dollyren emaztea. Etxetik alde egin zuen baina berriro itzuli zen.
- Mona Farrell: bere izebarekin bizi da eta tratu txarrak jasotzen du harengandik. Dillonez maitemintzen da.
- Farrell andrea: Monaren izeba. Esklabo moduan tratatzen du Mona.
- Staples: “Ordainerraz” almazenetako arduraduna.
- Pete Hendrickson: almazenen zordunetariko bat. Dillonek era berezi batean kobratuko du zorra. Gero engainatu egingo du bere laguntza jasotzeko, asmoak aurrera ateratzearren.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.