Elsa Scheelen

Elsa Scheelen
	Bideo hau Ikusgela proiektuaren parte da. Bideoak dituzten artikulu guztiak ikus ditzakezu hemen klik eginez gero. Txillardegiren idazle ibilbidea azaltzen duen bideoa.;
Datuak
Idazlea	Jose Luis Alvarez Enparantza
Argitaratze-data	1969
Generoa	eleberria
Jatorrizko izenburua	Elsa Scheelen
Argitaletxea	Lur argitaletxea
OCLC	431182180

Elsa Scheelen Jose Luis Alvarez Enparantzak, Txillardegik, idatzitako eleberria da. Lehen aldiz 1969an argitaratu zuen Lur argitaletxe sortu berriak.

Sinopsia

Pertsonaia nagusia. Elsa Scheelenek 28 urte ditu nobela hastean. Frantses elebakar valoniarra; guraso sozialisten alaba; Monseko Jemappeseko (Belgika) langile auzoan jaioa. Zazpi urte zaharragoa eta aberatsa den Luc De Potter flandriarrarekin 1958ko udaberrian ezkondua, edertzat daukate inguratzen duten gizon guztiek. Emakumeen artean, berriz, ohituta dago errezeloa piztera.[1]

Bruselako Dieweg kaleko villa garesti batean bizi izan zen Lucekin ezkonberritan, baina Elsak haurrak nahi zituen —senarrak ez—, eta ginekologoak esan zionetik umerik ezingo zuela izan, handiegia bihurtu zitzaion etxea. Hala, etxe txikiago bat hartu zuten 1961eko otsailean, Moliere kalean. Hor bizi da Elsa, 1965eko urriaren 26an, nobela abiatzen denean; senarrak maitaleari idatzitako gutuna aurkitzen duenean.[1]

Erreferentziak

Gurrutxaga Uranga, Amagoia. (2019/08/27). «'Elsa Scheelen' (Txillardegi, 1969)» Berria CC BY-SA 4.0 lizentziapean.

Kanpo estekak

Datuak: Q57667944

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[Berria-1] Gurrutxaga Uranga, Amagoia. (2019/08/27). «'Elsa Scheelen' (Txillardegi, 1969)» Berria CC BY-SA 4.0 lizentziapean.