Eliseo Zelaiak

Eliseo Zelaiak edo Eliseoko Zelaiak[1] (grezieraz Ἠλύσια πεδία), greziar mitologian, Infernuetako lurrazpiko sekzio sakratu bat ziren (Eliseo, Elisyon grezierazko hitzetik dator). Eliseo Zelaiak toki sakratu bat ziren, non, gizaki bertutetsu eta gerlari heroikoek, existentzia zoriontsua eta gauza onez betea zeramaten, paisaia berde eta loretsuen artean. Tartaroaren antitesia zen eta, sarri, kristautasunaren zeruarekin lotzen zen.

Artikulu hau mitologiari buruzkoa buruzkoa da; beste esanahietarako, ikus «Eliseoko Zelaiak (argipena)».
Goethe, Eliseo Zelaietara iristen, XIX. mendeko grabatua, Franz Nadorpek egina.

Hala eta guztiz ere, Eliseo Zelaietan zeuden pertsonek, bizien mundura itzultzeko aukera zuten, baina ez ziren asko izaten halakorik egiten zutenak.

Hilen Elkarrizketak garatzen diren esparrua dira, Antzinatetik XVIII. menderaino garapen handia izan zuen literatura generoa. Adibide bat, Luziano Samosatakoa izan zen II. mendean.

Etimologia

Elision izen ilun eta misteriotsu bat da, tximistak jotako pertsona edo toki baten izendapenetik eboluzionatu zuena: Enelisiosa. Adituek, Elision hitz greziarra, laru edo lalu hitz egiptoarretik eratorria izan daitekeela proposatu dute, "kanaberak" esanahiarekin, paradisu egiptoarra osatzen zuen kanaberadiari erreferentzia eginez, ugaritasunezko lurralde bat, non, hildakoak, betirako atseden hartzen duen. Bibliaren adituek, Elision, Elishatik eratorria izan daitekeela proposatu dute. Elisha, Genesiaren arabera, Iouanen seme bat zen, joniar eta greziarren arbasoa.

Zientzian

Elysium, Marteko lurralde sumenditsu bati eta bere sumendietako bati emandako izena ere bada.

Erreferentziak
  1. EIMA: Eskola-liburuetako onomastikaren, gertaera historikoen eta artelanen izenak. Zerrendak.

Ikus, gainera

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.