Elif Shafak

Elif Shafak ( [eˈlif ʃaˈfak] Estrasburgo, 1971ko urriaren 25a) jatorri turkiarreko idazlea da. 17 liburu argitaratu ditu, horietatik 11 nobelak. Bai turkieraz bai ingelesez idazten du eta 50 hizkuntzatara itzuli da. Bere azken nobela 10 Minutes 38 Seconds in this Strange World (10 minutu 38 segundo mundu bitxi honetan) Booker sarirako finalista izan zen . Turkian gehien irakurri den egilea da. Irakaskuntzak eman ditu Turkiako, Britainia Handiko eta Estatu Batuetako hainbat unibertsitatetan.

Elif Shafak

Bizitza
JaiotzaEstrasburgo, 1971ko urriaren 25a (52 urte)
Herrialdea Turkia
Lehen hizkuntzaturkiera
Familia
AitaNuri Bilgin
Ezkontidea(k)Eyüp Can (en) Itzuli
Hezkuntza
HeziketaMiddle East Technical University Faculty of Economics and Administrative Sciences (en) Itzuli
Middle East Technical University (en) Itzuli
Hizkuntzakingelesa
turkiera
Jarduerak
Jarduerakidazlea, eleberrigilea eta kazetaria
Enplegatzailea(k)Michigango Unibertsitatea
Arizonako Unibertsitatea
Lan nabarmenak
Jasotako sariak
Genero artistikoaPostmodernitatea
elifsafak.com.tr
IMDB: nm9242641 Twitter: Elif_Safak Instagram: shafakelif TED: elif_shafak Edit the value on Wikidata

Emakumeen eskubideen, LGBT komunitatearen eta adierazpen askatasunaren defendatzailea da. TED Global-en hainbat hitzaldi inspiragarrietan parte hartu du.[1]

Bere lanak kultura eta literatura tradizio anitzetan oinarritzen dira eta Ekialdea eta Mendebaldea batzen saiatzen da, historiarekiko, filosofiarekiko, sufismoarekiko, emakumeak gizartean gaiarekiko, gutxiengoekiko eta etorkinekiko interesa islatuz. 2010ean Frantziako Arte eta Letren Ordenaren domina jaso zuen.

Biografia

Benetako izena Elif Bilgin da, baina bere amaren izena ezizen gisa erabiltzen du bere lanak sinatzeko. Estrasburgon (Frantzia) jaio zen 1971n. Gurasoak (Nuri Bilgin filosofoa eta Shafak Atayman diplomatikoa) banandu ondoren, Elif Shafak amarekin hazi zen. Familia patriarkal tipiko batean hazi ez izanak bere lanean eragin handia izan zuela aipatu zuen. Nerabezaroa Madril (Espainia), Amman (Jordan) eta Turkiaren artean eman zuen.

Nazioarteko Harremanetan lizentziatu zen Ekialde Hurbilean, Ankarako Unibertsitate Teknikoan, Turkian. Genero eta Emakumeen Ikerketako Zientzietan masterra lortu zuen, Islamaren Dervixeen ulertze ziklikoan zeharreko emetasunaren dekonstrukzioari buruzko tesiarekin. Filosofian doktoregoa lortu zuen unibertsitate bereko Zientzia Politikoen Sailean.

17 liburu idatzi ditu, ingelesez eta turkieraz, beste hizkuntza batzuetara itzuliak. Bere lehen eleberriarekin: Pinhan (The Hidden), Rumi saria irabazi zuen 1998an, Turkiako literatura mistikoko lanik onenari ematen zaiona. Nabarmentzeko modukoak diren ingelesezko bere bi eleberri dira The Bastard of Istanbul eta The Architect's Apprentice. The Bastard of Istanbul eleberrian Armeniar genozidioa aipatuz, Shafak Turkian salatu zuten "Turkiako herria iraintzeagatik" Turkiako zigor kodearen 301. artikuluaren arabera. Kasua 2006ko ekainean bertan behera utzi zuten. Hala ere, salatzaileek kasua berriro ireki zuten 2006ko uztailean eta Shafak hiru urteko kartzela zigorra izateko arriskuan zegoen, baita bere itzultzailea eta editorea ere. 2006ko irailaren 21ean, Shafaken aurkako auzi berritua ere bertan behera utzi zuten froga faltagatik.

Gai errepikakorrak

Istanbul hiria bere literatur lanaren puntu nagusietako bat bezala nabarmentzen da, The Bastard of Istanbul eta The Architect's Apprentice elaberrietan ikus daitekeen moduan, azken hau Sinanen lanean inspiratuta, agian Otomandar Inperioko arkitekto garrantzitsuena. Time aldizkarirako idatzitako saiakera batean, "Ekialdea eta Mendebaldea ez dira olioa eta ura" dio. Nahastu egiten dira. Eta Istanbul bezalako hiri batean biziki, etengabe, modu harrigarrian nahasten dira". Shafakentzat interesgarria den beste alderdi bat mistika sufia da. Horren lekuko da The Forty Rules of Love: A Novel of Rumi izeneko liburuan, amodiozko istorio modernoa, etxekoandre judu-amerikarra eta Amsterdamen bizi den sufi moderno baten arteko maitasun istorioa. Feminismoa, gutxiengoen eskubideak eta adierazpen askatasuna ere maiz agertzen dira bere lanetan, fikzioan zein saiakeran.

Bibliografia
Turkieraz
  • Kem Gözlere Anadolu, 96pp, 1994, Evrensel, ISBN 975-785-729-6 [2]
  • Pinhan, 224pp, 1997, Metis, ISBN 975-342-297-0 [3]
  • Şehrin Aynaları, 280pp, 1999, Metis, ISBN 975-342-298-9 [4]
  • Mahrem, 216pp, 2000, Metis, ISBN 975-342-285-7 [5]
  • Bit Palas, 361pp, 2002, Metis, ISBN 975-342-354-3 [6]
  • Araf (The Saint of Incipient Insanities-en itzulpena), 352pp, 2004, Metis, ISBN 975-342-465-5 [7]
  • Beşpeşe, 680pp, 2004, Metis, ISBN 467-1 ( Murathan Mungan, Faruk Ulay, Celil Oker eta Pınar Kür-rekin) [8]
  • Med-Cezir, 254pp, 2005, Metis, ISBN 975-342-533-3 [9]
  • Baba ve Piç ( The Bastard of Istanbul ) itzulpena, 384 orr., 2006, Metis, ISBN 975-342-553-8 [10]
  • Siyah Süt, 2007, Doğan Kitap, ISBN 978-975-991-531-5 [11]
  • Aşk, 2009, Doğan Kitap, ISBN 978-605-111-107-0 [12]
  • Kâğıt Helva, 2010, Doğan Kitap, ISBN 978-605-111-426-2 [13]
  • Firarperest, 2010, Doğan Kitap, ISBN 978-605-111-902-1
  • İskender, 2011, Doğan Kitap, ISBN 9786050902518
  • Şemspare, 252s, 2012, Doğan Kitap, ISBN 9786050907995
  • Ustam ve Ben, 2013, Doğan, ISBN 978-605-09-1803-8
  • Sakız Sardunya, 2014, Doğan, ISBN 978-605-09-2291-2
Ingelesez
  • The Saint of Incipient Insanities, 368pp, 2004, Farrar, Straus eta Giroux, ISBN 0-374-25357-9 [14]
  • The Flea Palace (itzulpena Bit Palas ), 260pp, 2005, Marion Boyars, ISBN 0-7145-3101-4 [15]
  • The Gaze ( Mahrem-en itzulpena), 252pp, 2006, Marion Boyars, ISBN 0-7145-3121-9 [16]
  • The Bastard of Istanbul, 368pp, 2006, Viking, ISBN 0-670-03834-2 [17]
  • The Forty Rules of Love: A Novel of Rumi, 2010, Viking, ISBN 0-670-02145-8
  • Honour, 2012, Viking, ISBN 0-670-92115-7
  • The Architect's Apprentice, 2014, Viking, ISBN 9780241004913
  • Three Daughters of Eve, 2016, Viking

Erreferentziak
  1. TED Global.
  2. Elif Şafak - Biyografisi.
  3. Pinhan
  4. Şehrin Aynaları.
  6. Bit Palas
  7. Araf.
  8. ‘Beşpeşe’ ciddi bir oyun yazdılar. (Turkieraz)
  9. Med-Cezir
  10. Baba ve Piç. (Turkieraz)
  14. The Saint of Incipient Insanities: A Novel
  15. The Flea Palace (with Muge Gocek)
  16. The Gaze - Elif Shafak
  17. The Flea Palace

Kanpo estekak


This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.