Elgorriaga

Elgorriaga[3] ([elɣoriaɣa]; Elgorri [elɣori] Malerrekako hizkeraz) Nafarroako ipar-mendebaldean dagoen udalerria da, Malerrekako ibarrean, Baztan Bidasoa eskualdean. 226 biztanle zituen 2014. urteko erroldaren arabera, eta Nafarroako hiriburutik 54,3 kilometrora kokatzen da. Ezkurra ibaiak zeharkatzen du.

Artikulu hau Nafarroako udalerriari buruzkoa da; beste esanahietarako, ikus «Elgorriaga (argipena)».
Elgorriaga
 Nafarroa Garaia, Euskal Herria
Elgorriaga udalerriaren ikuspegi orokorra.

Bandera

Elgorriagako armarria
Armarria

Map
Kokapena
Herrialdea Euskal Herria
Lurraldea Nafarroa Garaia
Merindadea Iruñea
EskualdeaMalerreka
Administrazioa
Estatua Espainia
Erkidegoa Nafarroa
Izen ofiziala Elgorriaga
AlkateaJose Ignacio Olazar Apeztegia
Posta kodea31744
INE kodea31087
Herritarraelgorriagar
Geografia
Koordenatuak43°08′20″N 1°41′13″W
Azalera4 km²
Garaiera136 metro
Distantzia54 km (Iruñetik)
Demografia
Biztanleria205 (2023:  −10)
alt_left 109 (%53,2)(2019) (%54,1) 111 alt_right
Dentsitatea53,39 biztanle/km²
Zahartzea[1]% 29,29
Ugalkortasuna[1]‰ 0
Ekonomia
Jarduera[1]% 85,19 (2011)
Desberdintasuna[1]% 0 (2011)
Langabezia[1]% 11,66 (2013)
Euskara
Euskaldunak[1][2]% 81,90 (2018: %1,18)
Datu gehigarriak
Webguneahttp://www.elgorriaga.biaizpe.net/

Geografia

Inguru naturala eta kokapena
Herrigunea.
Elgorriaga udalerriaren ikuspegia.
Elgorriagako bainuetxea

Elgorriaga Iruñeko merindadearen iparraldean kokatzen da, Askin mendiaren oinetan eta Ezkurra ibaitik gertu. Herrira heltzeko N-121A errepidea hartu behar da eta ondoren, NA-170 errepidea Leitza-Doneztebeko norabidean.

Herriak Donezteberekin egiten du muga ekialdean, Iturenekin mendebaldean, eta Oitzekin hegoaldean. Herriko punturik altuena Mendaur mendia da, 1136 metrokoa.

Klima eta natura

Elgorriagako klima, atlantiko hezea da, neguak heze eta epelak dira, eta udak leunak eta ez oso beroak. Urteroko prezipitazioak 1800-2000mm ingurukoak izaten dira. Landarediari dagokionez, herriko basoetan haritzak eta pagoak ugari dira, eta horrez gain, gaztainondoak, lizarrak, akaziak eta landaturiko pinuak.

Historia

Herriaren sortze data zehatzik ezagutzen ez den arren, erreferentzia arkitektoniko ugari dago, Erdi Aroko zubia esaterako. Historialarien arabera, herria XV. mendean sortu zen. 1610. urtean Logroñon egindako sorginen aurkako epaiketek herritar askori eragin zieten.

Ondasun nabarmenak
  • San Pedro Apostoluaren eliza: Nabe bakarreko harlanduzko parrokia da. Elizaren barruan XII. mendearen hasierako erretaula gordetzen da eta XII. mendearen bigarren erdialdeko San Ferminen eta San Frantziskoren irudiak dituzten bi koadro.
  • Elgorriagako zubia: Erdi Aroko zubia, arku peraltatu bakarrekoa, Ezkurra ibaiaren gainean dago.

Ekonomia

Nekazaritza Elgorriagako jarduera ekonomiko nagusia izan da betidanik, baina, azken urteetan, aldaketa sakona bizi izan da, eta horrela, nekazaritza ustiapen txikiak bertan behera utziz joan dira. Zurgindegiak, artisautzako galda eta azken urteetako landa-turismoa zabaldu dira herrian. Orain dela gutxi ireki duten bainuetxeak ere bultzada eman dio bertako ekonomiari.

Demografia
Elgorriagako biztanleria

2008ko erroldaren arabera, Espainiaz kanpoko hamabi etorkin bizi ziren herrian, biztanleriaren %5,48a (Nafarroako batez-bestekoaren azpitik). 2019an 219.[6]

Politika

Udal hauteskundeak

Elgorriagako alkatea B talde independienteko Santos Irurueta da 2007ko udal hauteskundeez geroztik. Taldeak herriko bost zinegotzietatik hiru lortu zituen eta hortaz, gehiengo osoa. Boto zuri bakarra izan zen (botoen %0,64), eta baliogabekoak 3 (botoen %1,89).

Elgorriagako Udala (2007)
AlderdiaBotoakAukeratua?
Santos Irurueta Santesteban (B)81Bai
Jose Ignacio Olazar Apeztegia (B)80Bai
Juan Miguel Sukilbide Olazar (NB)75Bai
Rosa Maria Ibarra Ibarra (NB)75Bai
Juan Jose Perez Arriluzea Sagasti (B)65Bai

2011n ez zen zerrendarik aurkeztu eta, beraz, Iruruetak jarduneko alkate segitzen du[7].

Udaletxea
  • HELBIDEA: San Pedro kalea, 1

Alkateak
2007-2011Santos Irurueta SantestebanB, indep.
2011-2015Jose Ignacio Olazar ApeztegiaJardunean
2015-2019Jose Ignacio Olazar Apeztegia

Azpiegitura eta garraioak

Leizaran Mariezcurrena autobus konpainiaren Doneztebe eta Iruñea bitarteko lineak geltokia dauka herrian. Autobus lineak honako ibilbidea egiten du:

Jaiak eta ospakizunak

Elgorriagako jaiak uztailaren 25ean ospatzen dira, Santioetan.

Herritar ezagunak

Erreferentziak
  1. Euskal Herriari Begira. Udalbiltza.
  2. Nafarroako Gobernua. (2018). Nafarroako Datu Soziolinguistikoak. Euskarabidea, 50-55 or..
  3. Euskaltzaindia. 155. araua: Nafarroako udal izendegia. .
  4. (Gaztelaniaz) «Elgorriaga, balneario salino» El Diario Vasco 2009-07-23 (Noiz kontsultatua: 2020-07-09).
  5. Ttipi-Ttapa. «Euskal Artzainak Ameriketan museoa ireki dute Elgorriagan - Malerreka» Erran.eus (Noiz kontsultatua: 2022-07-12).
  6. (Gaztelaniaz) «Así ha cambiado la población en Elgorriaga» EpData (Noiz kontsultatua: 2020-07-09).
  7. Elgorriaga Nafarroako Udal eta Kontzejuen Federazioaren webgunean.

Ikus, gainera
  • Nafarroako udalerrien zerrenda

Kanpo estekak
Euskarazko Wikipedian bada atari bat, gai hau duena:
Nafarroa
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.